Hondarribiko festa aurreko bertso saioa Bertsoplaza.tv-n
Hondarribian Ama Guadalupeko jaiak laister etorriko dira eta horien atarian bertso saioa ospatu zen aurreko abuztuaren 28an Hondarribiako Santiago kaleko plazan. Giroa ederra egon zen, eguraldi ona tarteko. Bertan, Aitor Sarriegi, Xabi Paya, Aitor Mendiluze eta Sustrai Colina aritu ziren kantuan Karlos Aizpurua gai emailearen esanetara. Udako saio gehientsuenak bezala, umoretik joan ziren batez ere gaiak eta bertara hurbildutakoak gozatu ederra hartzeko aukera izan zuten.

Zuhatzako Uhartean bertso udalekutan murgilduta
Arabako Zuhatza uhartean bost eguneko egunaldia egingo dute bederatzitik hamaika urte bitarteko 46 haurrek irailaren 1etik 4ra.

Ur kirolak, jolasak, gaubelak... hainbat ekimen izango dituzte asialdiaz lagunartean gozatzeko. Ostegunean gainera, kantagintza landuko dute Oskar Estangarekin eta ostiralean bertso afaria izango dute Iñaki Viñaspre eta Jone Uria bertsolariekin.

Iparragirre bertso paper lehiaketa abian da
Zumarraga eta Urretxuko Udaletako Kultura Batzordeek Bertso-Paper, Narratiba eta Poesiako "Iparragirre Sariak 2010" Lehiaketarako deia egiten dute. Urtero bezala, euskaraz zein gazteleraz, narratiba, poesia eta bertso paper arloetan aurkeztu ahal izango dira lanak. Lehiakide bakoitzak, gehienez ere, bi lan aurkez ditzake hizkuntza eta arlo bakoitzeko; gaia librea izango da. Lanak eskuan eraman edo postaz bidali ahal izango dira, irailaren 24rako. Hona hemen informazio osoa.