Bertsolaritzaren Curriculuma Lehen Hezkuntzan (Euskal Herriko Bertsozale Elkartea, 2008). HUHEZI fakultateko adituen aholkularitzarekin gauzatutako lana da Bertsolaritzaren Curriculuma, eta Bertsozale Elkarteak ikastetxeetan duen proiektuaren oinarri teorikoa da. Bertsolaritzak haurraren garapenari egiten dion ekarpena lau arlotatik deskribatzen du lan honek:
- Hizkuntza
- Kultura
- Musika
- Trebetasun pertsonalak eta sozialak

Gu ere bertsotan: Bertsozale Elkarteak ikasturte osoko proiektua eskaintzen du ikastetxeetan. Astero edota bi astez behin ordubeteko klase bat dedikatzen zaio bertsolaritzari, euskara ikasgaiaren barruan (nagusiki LH 4-5-6. mailetan). Klasea Bertsozale Elkarteko irakasleak gidatzen du, tutorearen laguntzaz. Ikasmaterialari dagokionez, "Gu ere bertsotan" deritzan ikasliburua baliatzen dute haurrek (Bertsozale Elkarteak argitaratzen duen ikasmateriala da), eta irakasleek audio eta bideozko material osagarriak. Ikasturtean zehar proiektu honen barruan hainbat ekimen berezi ere antolatzen dira ikastetxeetan: jaialdiak, kantaldiak, bertso saioak...

Hauek dira 2009/10 ikasturteko datuak, "Gu ere bertsotan" proiektuari dagokionez: