Bizkaiko eskualdeetako bertsolari txapelketak eguzkia baino
puntualago etorri dira aurtengo udaberrian. 7 eskualde, 7 txapel
eta 7 errealitate desberdin, Bizkaiko txapeletarako motorrak
berotzeko, 61 bertsolari gazte plazan entzuteko eta bertsoaz
gozatzeko.

Ipar Uribe, Durangaldea eta Bilboaldea dira parte hartzaile gehien
dituzten eskualdeak; Lea Artibai eta Arratia giro beroko saioa
bermatzen dutenak; Gernikaldea finalean neska gehien dituena
eta Enkarterria estreinako txapelketa jokatzen duen eskualdea.

Zazpi txapeldunek Bizkaiko txapelketan parte hartzeko txartela
lortuko dute eta, gainerakoek, sailkapenaren arabera. Jadanik,
txartela eskuan dute Bizkaiko txapelketako finalista izandakoek.

Udazkenean hasiko da kanporaketa-fasea eta neguko haize hotza
kanpoan dela, Bilboko Euskalduna Jauregia abenduaren 19an
izango da bertsoaren aterpe.