Bertsozale Elkartea Herrialdeak Nafarroa Sarrera

Sarrera

Bertsozaletasun hedatua izan duen herrialdea da Nafarroa. Ezagutzen delarik, 1936. urtean Elizondon jokatu zen lehen txapelketa eta aipagarriak dira Mutuberria, Narbarte, Arozamena, Madariaga… bertsolariak.

Euskaltzaindiak 1980. urtean antolatu zuen Txapelketa Nagusiaren ildoari jarraituz, Nafarroan urtero antolatu dira bertsolari txapelketak Iparraldekoekin elkarturik. Mugimendu honen oinarrian, euskaltzale eta bertsozaleak zeuden, besteak beste: M. Izeta, E. Arraiza eta P. Díez de Ulzurrun. 1985ean hartu zuen Bertsozale Elkarteak bere esku ekimen honen ardura. 1936a geroztik antolatu diren 30 txapelketetan, 18 alditan Nafarroako bertsolariak izan dira garaile.

1980. hamarkadako bertsolaritzaren gorakadaz baliaturik, ekimen berriak abiatu ziren. Besteak beste, bertsolaritza geroratzeko ahaleginean emandako urratsak, Iruñean azken hamar urteetan antolatzen den Bertsoaroa eta gazteendako Xalto saria dira aipagarri.

Gaur egun Nafarroako bertsolaritzaren mugimendua ezin esan dezakegu indartsuenetakoa denik, baina azken urteetan errekuperazio bidean doa nabarmen. Euskal Herri osoan egiten diren saioen %11 egiten dira bertan.

Herrialdeak: Iparraldea Nafarroa: Historia