Txapelketak Araba 2003 Aurkezpena

ARABAKO BERTSOLARI TXAPELKETA 2003
Aurkezpena

UDABERRIArekin batera etorri zaigu aurten ere Arabako Bertsolari Txapelketa, Apirilaren 5ean Dulantzin hasi eta Ekainaren 1ean, Printzipal Antzokian amaituko dena. Arabako Bertsozale Elkarteak 2002. urtean bere egindako erronkari eutsi eta hobetzeko ahalegin bat da aurtengo hau, eta horren adibide argia da WEB orrialde honetan ikusgai duzun ataltxoa.

BESTE BEHIN ERE, Arabako lurraldean bertsolaritza sustatzea, bertsozaletasuna zabaltzea eta bertsolarien promozioa bideratzea dira txapelketaren helburu nagusiak, gure herrialdeari euskararen berreskurapenean laguntzea ahaztu gabe. Hori horrela izanik, Arabako ahalik eta eskualde gehienetara heldu beharrekoa zen, eta aurten, Gorbeialdea, Lautada, Aiara, Errioxa eta Gasteiztik igaroko da.