Txapelketak Araba 2004 Aurkezpena

ARABAKO BERTSOLARI TXAPELKETA 2004
Aurkezpena

ARABAKO lurraldea tamaina eta forma ezberdinetako eskualdeek osatzen dute, baina denak dira beharrezkoak Araba osatzeko. Euskarak bezala, bertsolaritzak ere gero eta errazago egiten du bat gure puzzlearen ertz korapilatsuekin. Gure herrialdeko mapa bezala, bertsolaritza puzzle handi bat da: pieza txiki ugariz osatutako egitura sendoa, bere irudiari osotasuna emateko banakako pieza guztiak ezinbesteko dituena: Txapelketak, bertso-eskolak, jaialdiak... eta guztien erdigunean bertsozaleak. Izan ere, zer da bertsolaritza bertsozalerik gabe?

ERRIOXAKOAK, Aiarakoak, Gorbeialdekoak, Lautadakoak eta Gasteizkoak dira aurtengo txapelketako bertsolariak, 22 guztira. Eta guk, eskualdez eskualde puzzle eder honen piezak jaso eta apirilaren 25ean Gasteizko Printzipal Antzokian bilduko ditugu. Bertsozaleontzako festa handi bat izan dadila!