Txapelketak Nafarroa 2004 Aurkezpena

NAFARROAKO BERTSOLARI TXAPELKETA 2004
Aurkezpena

NEGUTIK udaberrirako jauzia bertsoz eman diogu Nafarroan azken 25 urte hauetan eta aurten ere horrela eman nahi diogu. Txapelketa aurretik burutu den Bertso Ligan 22 bertsolari aritu dira kantari Nafarroa osoan barna. Izan ere, Txapelketaren helburuetako bat horixe baita: bertsoa zabaldu, ezagutarazi, landu eta, batez ere, bertsoarekin gozatu. Aurten goiz xamar badator ere, goiz bukatzeko asmorik ez du berekin.

BEREZITASUNIK ere badu edizio honek, Iparraldeko bertsolariak ez baitira arituko. Nafarroako bertsolari zenbait Txapelketaren atarian gelditzen zirela ikusirik, horiei ere aukera bat ematea onuragarria izanen litzatekeela erabaki zuen Nafarroako Bertsozale Elkarteak. Horrela, partehartzaile nafarren kopuruak 12tik 18ra egingo du salto. Geografikoki behintzat eragin nabarmena izango du honek, orain arte justu-justuko ordezkaritza zuten eskualdeek presentzia handituko dute-eta. Bortziriak da bertsolari gehien aurkeztuko duen eskualdea, 7 guztira. Araitz-Larraun, Baztan eta Sakanak hiruna ordezkari izanen dituzte eta Iruñea eta Aranok bana.

Ia bertsozalea gustura uzteko motiborik ematen duen!