Txapelketak Nafarroa 2006 Aurkezpena

NAFARROAKO BERTSOLARI TXAPELKETA 2006
Aurkezpena

Ez du hutsik egiten. Hemen dator Nafarroako Bertsolari Txapelketa, bere historiako 35. txapela buru gainean paratzera. Baztango bazterretan izango da hori, Elizondon, aurten 70 urte direla ospatu zen lehen Txapelketa hartako lur berean. Orduan bezalatsu, 18 bertsolari lehiatuko dira, nor baino nor, martxoaren 5etik apirilaren 1era arte. Lur-en burutuko da finala eta Nafarroan azken urte hauetan egiten ari den lanaren isla izango da. Ereiteko aroa dugu, garai bateko haziak berreskuratu eta eremu berrituan txertatzekoa. Gogoz ari da jendea lanean eta eguraldiari ez zaio beldurrik.

Bertso Ligan egin da lehen bereizketa eta hilabetean zer nolako emaitza ematen duten ikusiko da. Lau asteburutan izango du entzuleak bertsolaria zer nolako mejora egiten ari den ikusteko. Zeruraino igotzeko asmoa dute guztiek, nahiz eta jakin bidean kimaturik gelditu daitezkeela. Neurriko saskia hartu eta hura beteko dela esperantza dugu. Eraman zeuk ere zurea, guztiondako adina ale emango dute bertsolariek.