Txapelketak Nafarroa 2007Aurkezpena

NAFARROAKO BERTSOLARI TXAPELKETA 2007
Aurkezpena

Inauterietako hotsak bukatzearekin batera hasiko da Nafarroako Bertsolari Txapelketa 07, otsailaren 24an. Batzuk brometarako gogoa atzendua izango dute ordurako. Hilabeteko ibilbidea egin ondoren zenduko da, martxoaren 24an, Elizondon, eta beste batzurendako orduan hasiko da udaberria. Ohiko maiztasunez dator, edadez aurrera doa, 36 urte beteko ditu aurten... eta gaztetzen ari da. Hori du Txapelketa honek berezko: atseden hartu eta indarberriturik itzultzeko aukera, denboran gehiegi luzatu gabe. Bertso eskoletatik datozen gazteak ere ez dira faltako, bertsolari guztien artean, Nafarroako bertsogintzan sinisteko arrazoiak egon badaudela erakutsi asmoz.

Bada azken hau aski arrazoi bertsotan egin nahi duten gazteei bidea egiten laguntzeko. Txapelketa girotzeko egiten diren han eta hemengo saiotako antolatzaile, laguntzaile, babesle eta bertsozaleei esker, bertsolaritza sustatzen jarraitzeko dagoen gogoa irrika bihur dadin.