www.bertsoplaza.tv Internet bidezko telebistaren aurkezpen prentsaurrekoa:
Maiatzak 12, astelehena, goizeko 11etan, Bizkaiko Foru Aldundiaren prentsa aretoan (Bilbo, Gran Vía 25). Bertan izango dira:
- Maialen Lujanbio (Euskal Herriko Bertsozale Elkartea)
- Jon Ansa (Bertsoplaza.tv)
- Miren Dobaran (Bizkaiko Foru Aldundiko Euskararen Sustapenerako Zuzendaria)

Algortako Bertsolari Eskolak antolatuta Bertsolari Gaztetxuen eguna burutuko da maiatzaren 13an.
Algortako Getxo Antzokian ospatuko da goizeko 10:30etatik aurrera. Bertan, Balendin Txiki" II. Bertso-paper lehiaketako sari banaketa egingo da.

EHUko Uda ikastarorako izen-emate epea zabalik dago
Euskal Herriko Unibertsitatearekin elkarlanean "Denbora jakinean egin beharreko jendaurreko sormen lana: arrakastaren gakoak" izeneko ikastaroa antolatu dugu.

Ikastaro honen helburua, jendaurreko hizkeran eta bertsogintzan erabiltzen diren baliabideez jabetuz, nork bere esparruan eta eguneroko bizitzan erabili ahal izateko tresnak ematea da.

Eman izena!

Bertsolantegia 2008: UEU eta Bertsozale Elkarteak antolatutako ikastaroa. Izen emateko epea maiatzak 12an hasiko da.
Bertsolantegia 2007ri jarraipena eman nahian dator edizio berria. Oraingoan ere bertsolaritza hiru ikuspegi desberdinetatik landu nahi da:

- Zeharka begira: Zer ikas dezake bertsolaritzak antzerkitik? Antzerkiak badu zer erakutsia, bertsolaritzak badu zer ikasia.

- Barrutik begira: Dezimak badu lekurik bertsolaritzan? Galdera horri erantzuten saiatuko gara. Bertsolaritza mundura begira jarri den honetan beste inprobisazio-esperientziatik elikatzen hasi da. Mugarik badago?

- Kanpotik begira: Kultur transmisioa: tradiziotik modernitatera. Nola egokitzen da kultura tradizionalak gizarte modernoaren eskarietara? Zer da ezinbestean mantendu beharrekoa?

Xabier Enbeita Busturialdeko txapeldun
Gautegiz Arteagako kultur etxeko areto nagusia txiki geratu da Busturialdeko Bertsolari Txapelketako finalean (maiatzaren 4a). 120 lagunetik gora urreratu ziren bertara, baina askok eskaileretatik edota kanpotik jarraitu behar izan eben saioa. Ez zan girorik falta izan. Xabier Enbeitak jantzi eban txapela, Iker Belaustegigaz buruz burukoa jokatu ostean. Osabaren, Jon Enbeita bertsolariaren eskutik jaso eban ganera txapela. Busturialdeko txapelduna zuzenean sailkatu da udagoieneko Bizkaiko Bertsolari Txapelketarako. Gainontzekoek beste eskualdeetan pasatzen danaren arabera izango dabe sailkatzeko aukera. Eskualdeetako zazpi txapeldunekaz batera, 21 lagunek izango baitabe Bizkaikoan parte hartzeko aukera.

GR-16 bertso bidea
- Apirilaren 30ean, LESAKA - ORERETA, Lesaka, Linddurrenborda sagardotegian.
- Maiatzaren 9an, LASARTE-ORIA - AZPEITIA, Zabaleta auzoan, afalostean.
- Maiatzaren 9an, MALLABIA- GASTEIZ, Eibarren, Montekasino tabernan 21.00etan.
- Maiatzaren 17an, ZESTOA-ZARAUTZ, Aizarnan, (bazkariaren aurretik bertso poteoa).

Gipuzkoako Eskolarteko 28. Bertsolari Txapelketa 2008
Kanporaketak:
-Apirilak 25, Usurbil, Udarregi ikastolan. (Bat-bateko saioa Oiardo kiroldegian)
-Maiatzak 9, Elgoibarko ikastolan (Bat-bateko saioa bertako pilotalekuan)
-Maiatzaren 16an, Alegiko Aralar institutuan (Bat-bateko saioa Kultur Etxean)
-Maiatzaren 23an, Oñatiko Txantxiku ikastolan (Bat-bateko saioa Santana aretoan)

Bertso-udalekuak 2008. Ba al zatoz?
Bertso udalekutan izena emateko epea zabalik dago.
Txandei buruzko informazioa jasotzeko eta internet bidez izena emateko, klikatu hemen.
Ikus ezazu bertso-udalekuei buruzko erreportai laburra:
http://www.bertsoplaza.tv/erabiltzaileak/Ansahauna/bertsoudalekuak-2007/view
Argibideetarako dei ezazu Bertsozale Elkartera: 943 21 77 98