Bapatean 1999

SARRERA

I. BERTSO-SAIOEN MUGIMENDUA

II. ZENBAIT AZALPEN

III. TXAPELKETA ETA SARIKETAK

IV. BAT-BATEKO BERTSO HAUTATUAK

11. Oñati (1999-01-05)

12. Tolosa (1999-01-16)
13. Markina-Xemein (1999-01-17)

14. Oiartzun (1999-01-17)
15. Zegama (1999-01-23)
16. Bilbo (1999-01-29)
17. Mutiloa (Lierni) (1999-02-12)

18. Bilbo (1999-02-13)
19. Azkoitia (1999-02-20)
20. Irun (1999-03-19)
21. Igorre (1999-03-20)

22. Lesaka (1999-03-21)
23. Bergara (1999-03-27)
24. Zumaia (1999-05-09)
25. Donostia (1999-04-11)

26. Abadiño (1999-04-30)
27. Bilbo (1999-05-08)
28. Itsasondo (1999-05-16)

29. Legorreta (1999-05-13)

30. Zaldibia (19-04-09)
31. Bilbo (1999-05-22)
32. Hernani (1999-06-04)
33. Errenteria (1999-06-12)

34. Sunbilla (1999-06-20)
35. Andoain (1999-06-24)
36. Zarautz (1999-06-27)
37. Lasarte (1999-06-29)

38. Lesaka (1999-07-10)
39. Belauntza (1999-07-11)
40. Aia (1999-07-24)
41. Villabona (1999-07-30)

42. Zizurkil (1999-08-15)
43. Arantza (1999-08-16)
44. Goizueta (1999-08-17)
45. Bilbo (1999-08-19)

46. Bilbo (1999-08-20)
47. Ibarra (1999-08-23)
48. Bidegoian (1999-08-24)
49. Erandio (1999-08-28)

50. Eibar (Arrate) (1999-09-07)
51. Arrieta (1999-09-10)
52. Ordizia (1999-09-11)
53. Bermeo (1999-09-13)

54. Altzaga (1999-09-25)
55. Iurreta (1999-10-02)
56. Zegama (1999-10-23)

57. Mallabia (1999-10-24)
58. Mutriku (1999-10-31)
59. Zarautz (1999-11-05)
60. Eibar (1999-11-19)

61. Donibane-Lohizune (1999-11-20)
62. Donostia (1999-11-27)
63. Azpeitia (1999-12-19)
64. Hernani (1999-12-28)

V. BAT-BATEKO SARIKETAK

Oñati (1999-01-05)

Bertsolariak: S.Lizaso, Egaña, Mendizabal,
Amuriza eta Peñagarikano.

Gai-jartzailea: Nikolas Zeberio

Oñatiko Udaleko Kultur Sailak eratutako jaialdia. Gaueko hamar eta erdietan hasi zen eta ohi bezala jende asko Zubikoa pilotalekuan.

Egaña-S.Lizaso

Gaia: Xebastian korbata da eta Egaña eskotea.

Neurria: 8ko txi.
Doinua: Kantatzera nijoa

Egaña:             Korbata ta eskote
                      zer-nolako pinta!
                      Diferenteak gera
                      pentsatzen jarrita,
                      diferentzia zer den
                      edonork daki-ta:
                      zu batzutan itsusi
                      ni beti polita. (bis)

S.Lizaso:          Zurekin ere polit
                      ez dabiltza denak,
                      hemen biok ditugu
                      norbere ahalmenak;
                      diferentziak ere
                      oso nabarmenak:
                      zuri begira daude
                      ni janzten nautenak. (bis)

Egaña:             Korbatak ematen du
                      lastima ta pena,
                      beti bistan dagola
                      hori da txarrena;
                      ta eskoteak badu
                      alde nabarmena:
                      izkutatzen dedana
                      dela politena. (bis)

S.Lizaso:          Horrela bada dena
                      agertu osorik
                      eta egingo dizu
                      jendeak kasorik.
                      Nahiz ta udan ez dezun
                      inoiz preziorik,
                      neguan ez daukazu
                      estimaziorik. (bis)

Egaña:             Korbata mintzatu da
                      txepelen planian,
                      ez nuen hitz egingo
                      hala izanian;
                      ni estimatzen naute
                      gehien-gehienian
                      negu parte horretan
                      gutxien danian. (bis)

S.Lizaso:          Zu polita bazera
                      ni ez naiz kirtena,
                      asko zuri begira
                      neurritik irtena,
                      bainan nun jantzi denak
                      ondo ez dakitena,
                      batzutan bizkarrean
                      zera politena. (bis)

Egaña:             Esplikazioren bat
                      nahi dizut eskeini:
                      korbata, zuk ez dezu
                      hainbeste harmoni;
                      beti igoal-igoalak
                      mila zeremoni
                      ta arnasaldi bakoitzak
                      kanbiatzen nau ni. (bis)

S.Lizaso:          Aldatzen zeradela
                      arnas bakoitzean,
                      jendea jartzen baita
                      zurekin trantzean;
                      zeu're ez zera beti
                      patxadako antzean,
                      urduri jartzen zera
                      ni arrimatzean. (bis)