Bapatean 1999

SARRERA

I. BERTSO-SAIOEN MUGIMENDUA

II. ZENBAIT AZALPEN

III. TXAPELKETA ETA SARIKETAK

IV. BAT-BATEKO BERTSO HAUTATUAK

11. Oñati (1999-01-05)

12. Tolosa (1999-01-16)
13. Markina-Xemein (1999-01-17)

14. Oiartzun (1999-01-17)
15. Zegama (1999-01-23)
16. Bilbo (1999-01-29)
17. Mutiloa (Lierni) (1999-02-12)

18. Bilbo (1999-02-13)
19. Azkoitia (1999-02-20)
20. Irun (1999-03-19)
21. Igorre (1999-03-20)

22. Lesaka (1999-03-21)
23. Bergara (1999-03-27)
24. Zumaia (1999-04-09)
25. Donostia (1999-04-11)
26. Abadiño (1999-04-30)

26.1. Mañukorta-Sorozabal

26.2. Sorozabal

27. Bilbo (1999-05-08)
28. Itsasondo (1999-05-16)
29. Legorreta (1999-05-13)

30. Zaldibia (19-04-09)
31. Bilbo (1999-05-22)
32. Hernani (1999-06-04)
33. Errenteria (1999-06-12)

34. Sunbilla (1999-06-20)
35. Andoain (1999-06-24)
36. Zarautz (1999-06-27)
37. Lasarte (1999-06-29)

38. Lesaka (1999-07-10)
39. Belauntza (1999-07-11)
40. Aia (1999-07-24)
41. Villabona (1999-07-30)

42. Zizurkil (1999-08-15)
43. Arantza (1999-08-16)
44. Goizueta (1999-08-17)
45. Bilbo (1999-08-19)

46. Bilbo (1999-08-20)
47. Ibarra (1999-08-23)
48. Bidegoian (1999-08-24)
49. Erandio (1999-08-28)

50. Eibar (Arrate) (1999-09-07)
51. Arrieta (1999-09-10)
52. Ordizia (1999-09-11)
53. Bermeo (1999-09-13)

54. Altzaga (1999-09-25)
55. Iurreta (1999-10-02)
56. Zegama (1999-10-23)

57. Mallabia (1999-10-24)
58. Mutriku (1999-10-31)
59. Zarautz (1999-11-05)
60. Eibar (1999-11-19)

61. Donibane-Lohizune (1999-11-20)
62. Donostia (1999-11-27)
63. Azpeitia (1999-12-19)
64. Hernani (1999-12-28)

V. BAT-BATEKO SARIKETAK

Abadiño (1999-04-30)

Bertsolariak: Mañukorta, Peñagarikano,
Irazu, O.Enbeita eta Sorozabal

Gai-jartzailea: Unai Hormaetxea

Matienan, Sanprudentziotan, urtero eratzen duten jaialdia. Gaueko hamar eta erdietan, ikastetxean. Berrehun eta berrogeita hamarren bat entzule.

Mañukorta-Sorozabal

Gaia: Zu, Jokin, sabel-hiztun famatua zaitugu. Zure pertsonaien artean Mañukorta izenekoa da jendeari gehien gustatzen zaiona.

Neurria: 8ko nag.
Doinua: Hasiko al naiz hasiko al naiz

Sorozabal:       Gure bikote artista hori
                     helduko da urrutira,
                     hainbat entsaio egin ditugu
                     ispiluari begira,
                     nere eskua gerrian sartuz
                     biok hainbat tira-bira,
                     ezer ez dute ulertzen baina
                     denak parrez lehertzen dira.

Mañukorta:      Nere nausia sortua gendun
                     Andoaineko lurrian,
                     moñeko ona dezu artista,
                     ez zaite egon bildurrian.
                     Gu apurtzeko bikoterikan
                     ez da gugandik hurrian,
                     ai, zer gauz onak eingo ditugun
                     jende guztian aurrian!

Sorozabal:       Mundu hontako geldokeria
                     guk ezin genuen jasan,
                     "zirku berri bat ein behar diagu"
                     guk biok elkarri esan;
                     haseran ez zan arrakastarik
                     gure herritako plazan,
                     baina bekainak mugitze hori
                     inbentu latza izan zan.

Mañukorta:      Nere nagusi mutur txorrotxa
                     argia eta apala,
                     eta moñeko bizkar makurra
                     guztiz hain degu zabala!
                     Mundu guztian eiten badegu
                     hor gu biok eginahala,
                     bihar edo etzi puskatuko da
                     gure zirko mundiala.

Sorozabal:       Guk arrakasta daukagunetik
                     dirua ere blasta-blasta,
                     eskua sartzen diot gerritik
                     ta gehiago ezin aska;
                     segi ta segi numerogintzan
                     ta ez dute esaten "basta!",
                     beti numero berdina dugu
                     baina beti arrakasta.

Mañukorta:     Nagusia ta moñeko onak
                     kontuak ongi atera.,
                     bekain ta eztarri ongi abestu
                     eiten ditugu batera;
                     atzerarikan ez degu ikasi
                     ta jo dezagun aurrera,
                     martxa honetan laister gerade
                     gu biok Hollywoodera!

Sorozabal:       Hollywoodera Mañu ta biok
                     iritsi gintezke aurki,
                     lehenago ere honek ikusi
                     zuen hango hainbat toki,
                     Ameriketan ibiltzea ere
                     noizbait baitzun erabaki,
                     hara juateko prestatua da,
                     inglesez ere badaki.

Mañukorta:     Honek esan dun hizkuntza hori
                     gaur ez da ikasten errez,
                     baina burutik oso argiak
                     gu jaio ginaden berez.
                     Aurrera zintzo jarrai ezkero,
                     lanean gogoz orain lez,
                     ingles ez dakit ikasiko deun
                     baina eingo deu inglesez.

Sorozabal:       Beno, honezkero hasi beharko
                     numerotxoa bukatzen,
                     zaila delako hauen arreta
                     denbora luzez mantentzen.
                     Aizazu Mañu, lehen ere beti
                     hori egin dezu zuzen,
                     denak agurtu itzazu eta
                     kamerinora goazen.

Mañukorta:      Nagusi jaun ta moñeko onak
                     egin degu gure lana,
                     ez dakit ongi emango gendun
                     eman behar gendun dana;
                     arrakasta bat guztizko ona
                     zuegandikan izana.
                     Bihotz erditik emate'izutet
                     danoi besarkada bana.