Bapatean 1999

22. Lesaka (1999-03-21)
23. Bergara (1999-03-27)
24. Zumaia (1999-04-09)
25. Donostia (1999-04-11)
26. Abadiño (1999-04-30)
27. Bilbo (1999-05-08)
28. Itsasondo (1999-05-09)
29. Legorreta (1999-05-13)

30. Zaldibia (1999-05-16)
31. Bilbo (1999-05-22)
32. Hernani (1999-06-04)
33. Errenteria (1999-06-12)

34. Sunbilla (1999-06-20)
35. Andoain (1999-06-24)
36. Zarautz (1999-06-27)
37. Lasarte (1999-06-29)

38. Lesaka (1999-07-10)
39. Belauntza (1999-07-11)
40. Aia (1999-07-24)
41. Villabona (1999-07-30)

42. Zizurkil (1999-08-15)
43. Arantza (1999-08-16)
44. Goizueta (1999-08-17)
45. Bilbo (1999-08-19)

46. Bilbo (1999-08-20)
47. Ibarra (1999-08-23)
48. Bidegoian (1999-08-24)
49. Erandio (1999-08-28)

50. Eibar (Arrate) (1999-09-07)
51. Arrieta (1999-09-10)
52. Ordizia (1999-09-11)
53. Bermeo (1999-09-13)

54. Altzaga (1999-09-25)
55. Iurreta (1999-10-02)
56. Zegama (1999-10-23)

57. Mallabia (1999-10-24)
58. Mutriku (1999-10-31)
59. Zarautz (1999-11-05)
60. Eibar (1999-11-19)

61. Donibane-Lohizune (1999-11-20)
62. Donostia (1999-11-27)
63. Azpeitia (1999-12-19)
64. Hernani (1999-12-28)

V. BAT-BATEKO SARIKETAK

Sunbilla (1999-06-20)

Bertsolariak: S.Lizaso, Murua, Egaña,
Elizagoien, E.Arozena eta Silveira.

Gai-jartzailea: Patxi Larretxea

Neska gazteak izeneko taldeak eratutako jaialdia. Pilotalekuan izan zen, igande arratsaldeko seietan. Entzule asko.

Silveira-Elizagoien

Gaia: Badakizue Bittorrek eraikuntzan egiten duela lan eta hauek biak lagunak direnez eta Xabier lan bila zebilenez, Bittorri joan zaio lan eske. Baiezkoa eman dio horrek, eta lehenbiziko lan egunean hogei metroko teilatu gainera bidali du teilak kentzera. Bata teilatu gainean eta bestea beheran zaretela, zuen saioa.

Neurria: 10eko txi,
Doinua: Esnesaltzailearena

Silveira:      Beteta daudelako
         INEMeko listak, (bis)
         Bittorrengana eraman
         ninun nere bistak.
         Teilak jartzen gu izan
         gintezke artistak,
         baina lurretik oso
         urrun dauzkat hankak;
         igeltseroak gara
         ta ez trapezistak! (bis)

Elizagoien:    Teilatura joan zera
         soka eta guzi, (bis)
         hasi lanean eta
         marmar hoiek utzi;
         hor dauden teila denak
         kendu bixi-bixi,
         igo aurretik hauxe
         behar zendun ikasi:
         lagunak gera bainan
         Bittor da nagusi. (bis)

Silveira:    Ohean nengoela
         zorronkaz zorronka (bis)
         despertadoreak jo,
         niri ez inporta;
         bino honat etorri
         ta hemendik bota,
         hemendik beheti noa
         ni mekauendioska,
         Bittor teilatutikan
         gaixorik dago-ta. (bis)

Elizagoien:    Astelehen goiza da-ta
         etorri da alai, (bis)
         holako langilerik
         ez daukagu nunahi!
         Segi zazu lanean
         teilatuan lasai,
         azpitikan zuk Bittor
         baitaukazu itzai,
         tripa joango zaizu,
         beldurra ere bai. (bis)

Silveira:    Nagusia nik uste
         dagoela ero, (bis)
         lan hau bidaltzerikan
         ez nuen espero;
         ai, hau egin behar badut
         goizero-goizero,
         bera zai dagoela
         dio bero-bero;
         zuk helduko al diazu
         erori ezkero? (bis)

Elizagoien:    Gazte xamarra dela
         ez al da nabari? (bis)
         Bildurrez beterikan
         lanean da ari;
         orain arte sortu du
         arrangu ugari,
         baina teilatutikan
         ez dedin erori,
         belarritakotikan
         lotu gailurrari. (bis)

Silveira:    Lan egin behar dugu
         eguzki nahiz laino, (bis)
         hemen jarri dut inun
         ez hainbat enpeino;
         baina teilatu honek
         nau kopetaraino
         ta hemendik ohatzera
         banoie, ze koño,
         langabe hobe nago
         lan honetan bino! (bis)