Bapatean 1999

SARRERA

I. BERTSO-SAIOEN MUGIMENDUA

II. ZENBAIT AZALPEN

III. TXAPELKETA ETA SARIKETAK

IV. BAT-BATEKO BERTSO HAUTATUAK

11. Oñati (1999-01-05)

12. Tolosa (1999-01-16)
13. Markina-Xemein (1999-01-17)

14. Oiartzun (1999-01-17)
15. Zegama (1999-01-23)
16. Bilbo (1999-01-29)
17. Mutiloa (Lierni) (1999-02-12)

18. Bilbo (1999-02-13)
19. Azkoitia (1999-02-20)
20. Irun (1999-03-19)
21. Igorre (1999-03-20)

22. Lesaka (1999-03-21)
23. Bergara (1999-03-27)
24. Zumaia (1999-04-09)
25. Donostia (1999-04-11)
26. Abadiño (1999-04-30)
27. Bilbo (1999-05-08)
28. Itsasondo (1999-05-09)
29. Legorreta (1999-05-13)

30. Zaldibia (1999-05-16)
31. Bilbo (1999-05-22)
32. Hernani (1999-06-04)
33. Errenteria (1999-06-12)

34. Sunbilla (1999-06-20)
35. Andoain (1999-06-24)
36. Zarautz (1999-06-27)
37. Lasarte (1999-06-29)

38. Lesaka (1999-07-10)
39. Belauntza (1999-07-11)
40. Aia (1999-07-24)
41. Villabona (1999-07-30)

42. Zizurkil (1999-08-15)
43. Arantza (1999-08-16)
44. Goizueta (1999-08-17)
45. Bilbo (1999-08-19)

46. Bilbo (1999-08-20)
47. Ibarra (1999-08-23)
48. Bidegoian (1999-08-24)
49. Erandio (1999-08-28)

49.1. Ibarra-Iturriaga

49.2. F. Paia-Gaztelurrutia

50. Eibar (Arrate) (1999-09-07)
51. Arrieta (1999-09-10)
52. Ordizia (1999-09-11)
53. Bermeo (1999-09-13)

54. Altzaga (1999-09-25)
55. Iurreta (1999-10-02)
56. Zegama (1999-10-23)

57. Mallabia (1999-10-24)
58. Mutriku (1999-10-31)
59. Zarautz (1999-11-05)
60. Eibar (1999-11-19)

61. Donibane-Lohizune (1999-11-20)
62. Donostia (1999-11-27)
63. Azpeitia (1999-12-19)
64. Hernani (1999-12-28)

V. BAT-BATEKO SARIKETAK

Erandio (1999-08-28)

Bertsolariak: Ibarra, Iturriaga,
A.Paia eta Gaztelurrutia.

Gai-jartzaile: Joseba Santxo

Erandio Beheko jaiak zirela-eta Berbots euskara taldeak antolatutako jaialdia. Gaueko bederatzietan, plazan. Ehun eta berrogeita hamar entzule inguru.

Ibarra-Iturriaga

Gaia: Hemen dauzkagu graffiti egile bi. Eurok ez dabe elkar ezagutzen eta hor aritu dira nor bere graffitia egiten. Oraintxe amaitu dute beharra eta hauxe dino Iratxeren graffitiak: "Gerra buka dadin, amodioa egin"; Unairenak, berriz, hauxe dino: "Euskal Herrian larrua jotzea ez da gatxa, miraria baino". Elkarrenak irakurri eta berbetan hasi dira.

Neurria: 4ko handia
Doinua: Kontu barri bat suzeditu da

Iturriaga:        Maitasuna ta gerrarenakin
                     behingoz emazu pakea,
                     Euskal Herrian errezagoa
                     baita gerrara joatea.

Ibarra:           Amodioa egin behar da,
                     umore onez gainera,
                     amodioak bultzatzen gaitu
                     gerrarik ez egitera.

Iturriaga:        Graffiti hauen gaia izan da
                     beti kontu serioa,
                     larrutan egin behar da lehenengo
                     ta gero amodioa.

Ibarra:            Egia da bai, ez da erraza
                     gaur larrutan egitea,
                     baina askozaz zailagoa da
                     gerrarik ez egotea.

Iturriaga:        Ez nago oso seguru Iratxe,
                     ez zan arrazoi sanoa,
                     hemen siketa galanta dago
                     ta Dagestanera noa.

Ibarra:            Baina denek ez dute gaur zertan
                     zurean jarri arreta,
                     aldarrikatzen duzuna soilik
                     zeure akatsa da eta.

Iturriaga:        Zuk diozunez egin behar da
                     askoz gehiago larrutan,
                     krabelintxo bat jarriko al duzu
                     nire fusilaren puntan?

Ibarra:            Krabelintxoa jarri dezaket
                     igoal nonbait afanean,
                     baina seguru egon zaitez zu
                     ez dela ba zurenean.

Iturriaga:        Esaten dute honetarako
                     behar direla bi arrautza,
                     zu gogoz baldin bazaude behintzat
                     egingo dugu iraultza.

Ibarra:            Beste era baten bota behar dut:
                     gorringo bako arrautza
                     esaten dute izaten dela
                     gazterikako iraultza.

Iturriaga:        Nik gorringoa ta zuringoa
                     biak dauzkat ipinita,
                     baina aspaldian nabil jendeai
                     biak ezin ikusita.

Ibarra:           Amodioan azkenaldian
                     gu gabiltza nahiko txiro,
                     tiratu gura baduzu egin
                     baina maitasunez tiro.

Iturriaga:        Demagogia ta grokitia
                     kontua da bat bakarra,
                     batzuk larrutan segiko dute,
                     guk poesia popularra.

Ibarra:            Arrazoi pixka bat baduzula
                     esan beharko dizut nik,
                     jende ugarik baitio "ez da
                     gerrarik bako bakerik"

Iturriaga:        Hemen bizi da jende guztia
                     triste antzean ta pakean,
                     Euskal Herria Karibe aldera
                     hurbiltzen ez den artean.

Ibarra:            Hara hurbiltzea jende askori
                     iruditu gaur ederto,
                     baina txartela nork ematen du
                     hara doan joateko?

Iturriaga:        Ta amaitzeko lotu ditzagun
                     arrazoietatik biak:
                     gora Euskadi ta gora gerra
                     eta gora mirariak!