Bapatean 1999

 

SARRERA

I. BERTSO-SAIOEN MUGIMENDUA

 

II. ZENBAIT AZALPEN

 

III. TXAPELKETA ETA SARIKETAK

 

IV. BAT-BATEKO BERTSO HAUTATUAK

11. Oņati (1999-01-05)

12. Tolosa (1999-01-16)
13. Markina-Xemein (1999-01-17)

14. Oiartzun (1999-01-17)
15. Zegama (1999-01-23)
16. Bilbo (1999-01-29)
17. Mutiloa (Lierni) (1999-02-12)

18. Bilbo (1999-02-13)
19. Azkoitia (1999-02-20)
20. Irun (1999-03-19)
21. Igorre (1999-03-20)

22. Lesaka (1999-03-21)
23. Bergara (1999-03-27)
24. Zumaia (1999-04-09)
25. Donostia (1999-04-11)
26. Abadiño (1999-04-30)
 27. Bilbo (1999-05-08)
28. Itsasondo (1999-05-09)
29. Legorreta (1999-05-13)

30. Zaldibia (1999-05-16)
31. Bilbo (1999-05-22)
32. Hernani (1999-06-04)
33. Errenteria (1999-06-12)

34. Sunbilla (1999-06-20)
35. Andoain (1999-06-24)
36. Zarautz (1999-06-27)
37. Lasarte (1999-06-29)

38. Lesaka (1999-07-10)
39. Belauntza (1999-07-11)
40. Aia (1999-07-24)
41. Villabona (1999-07-30)

42. Zizurkil (1999-08-15)
43. Arantza (1999-08-16)
44. Goizueta (1999-08-17)
45. Bilbo (1999-08-19)

46. Bilbo (1999-08-20)
47. Ibarra (1999-08-23)
48. Bidegoian (1999-08-24)
49. Erandio (1999-08-28)
50. Eibar (Arrate) (1999-09-07)
51. Arrieta (1999-09-10)
52. Ordizia (1999-09-11)
53. Bermeo (1999-09-13)
54. Altzaga (1999-09-25)
55. Iurreta (1999-10-02)
56. Zegama (1999-10-23)
57. Mallabia (1999-10-24)
58. Mutriku (1999-10-31)
59. Zarautz (1999-11-05)
60. Eibar (1999-11-19)

61. Donibane-Lohizune (1999-11-20)
62. Donostia (1999-11-27)

62.1. Peņagarikano-Murua

62.2. Peņagarikano-Agirreazaldegi

62.3. Iturriaga-Peņagarikano


63. Azpeitia (1999-12-19)
64. Hernani (1999-12-28)

V. BAT-BATEKO SARIKETAK

 

 

Donostia (1999-11-27)

 

Bertsolariak: Murua, Iturriaga,
Agirreazaldegi eta Peñagarikano.

Gai-jartzailea: Iñaki Iturain

Donostia bertsotan izenarekin eratzen diren jaialdietako bat. Lugaritz kultur etxean izan zen eta gaueko hamar eta erdiak ondo jota hasi zen. Sarrera dohainik.

Peñagarikano-Murua

Gaia: Gipuzkoako Herri Arteko Bertsolari Txapelketan ia denek parte hartu dute, Peñak izan ezik. Euskal Herriko Bertsozale Elkarteko ordezkari Murua kargu hartzera etorri zaio.

Neurria: 8ko nag.
Doinua: Pello Josepe tabernan dela

Murua:           Behin Gipuzkuko txapeldun izan
                    ta harrezkeroztik lotan,
                    behinik behin parte ez duk hartu nahi
                    moteil txapelketa hortan;
                    hire hutsuna nabaritu dik
                    bertsozaleak askotan,
                    gaur ere etxean egon behar hun
                    hor parte ez hartzekotan.

Peñagarikano: Esaten dute produkto ona
                    nik daukadala saltzeko,
                    sua pizteko txispa nik daukat
                    ta zuk hura itzaltzeko.
                    Irabazteko gutxi neukan nik
                    ta asko neukan galtzeko,
                    nik txapelketan beharrik ez det
                    zenbat naizen azaltzeko.

Murua:           Baina Anjel Mari, hik ez duk bete
                    txapeldun baten tokia,
                    Gipuzkukoan parte hartzea
                    izango hun egokia;
                    ta hik atzera egin duk noski,
                    hi haiz tipo kakatia;
                    heure amak ere ez dik sinisten
                    ultzeraren aitzakia!

Peñagarikano: Oain urte batzuk ultzera nuen
                    aitzakia eta gaitza,
                    ta orain denek parte hartzea,
                    hori al genun baldintza?
                    Ridikuloa ein ote dedan,
                    zu horrela zera mintza,
                    haundiagoa egin nezakeen
                    atera izan banintza.

Murua:          Atera gabe ez da jakiten,
                    aurrean ala atzean
                    gelditutzeko proposamenak
                    daude epaileen hitzean;
                    arrixkau berriz arrixkatzen da
                    hemen bertso bakoitzean.
                    Joxe Agirrek parte hartu dik
                    eta hi berriz etxean!

Peñagarikano: Batzuentzako poza da hori,
                    beste batzuentzat ditxa
                    ta txapelketa izan zitekeen
                    zenbait exitoren giltza.
                    Joxe Agirrek parte hartu du,
                    hala eman dezu hitza,
                    baina Muruak askoz hobe zun
                    etxean egon balitza.

Murua:           Neuk'e badakit beharbada etxean
                    hobetogo nengokeela
                    eta badakit ez dala noski
                    neretzat horko txapela;
                    bainan behinik behin ahaleginean
                    gogor saiatu naizela
                    gazteagoei ejenplo ematen
                    zaharrago batzuk bezela.

Peñagarikano: Txapelketa hontan ez dira egon
                    anoetarrari entzuten,
                    argi ta garbi azalduko det,
                    ea ulertzen dezuten:
                    "danok partaide behar genuke"
                    zer ari zera esaten?
                    Eozeinek parte hartzen dunean
                    ni ez naiz partaide izaten.

Murua:           Hori esan ta geldituko zan
                    txakurra baino lasaio,
                    parte hartu gabe ere ba omen
                    ehun edota gehio saio;
                    edonork parte hartutakoan,
                    berak ez, ta ze arraio,
                    horrelakoai antipodetan
                    solidario deitzen zaio.

Peñagarikano: Bertsozaleek isuri al dute
                    horrenbeste negar malko?
                    Bestela ere han eta hemen
                    botatzen det bertso pranko.
                    "Txakurra baino askoz lasaio"
                    esan ta gerau da bapo;
                    hain zuzen ere ez naiz atera
                    txakur zaharra naizelako.