Bapatean 2000

SARRERA

I. BERTSO-SAIOEN MUGIMENDUA

II. ZENBAIT AZALPEN

III. TXAPELKETA ETA SARIKETAK

IV. BAT-BATEKO BERTSO HAUTATUAK

V. BAT-BATEKO SARIKETAK

62. Bortzirietako taldekako II. txapelketa
63. IX. BBK Sariketa
64. XI. San Prudentzio deuna saria
65. XXIX. Osinalde Saria

65.1. E. Eizagirre-E. Agirre

65.2. E. Goikoetxea-E. Zubeldia

66. I. Mattin saria
67. XXIV. Lizardi Saria
68. XVI. Xenpelar sariketa

XXIX. Osinalde Saria


FINALA

GABIRIA (2000-04-15)

Bertsolariak: E. Agirre, Sarasola, Elustondo,
E. Eizagirre, Zubeldia eta E. Goikoetxea.

Gai-jartzailea: Iñaki Murua.

Hogeita bederatzigarren Osinalde Sariaren finala. Ohi bezala, Gabiriako Osinalde elkartean izan zen, afalondoan.

E. Eizagirre - E. Agirre

Gaia: Zuk, Estitxu, Gabonetan zure kanpin-denda utzi zenion Eñauti eta orain, Aste Santurako behar duzula eta eskatuta itzuli dizunean, konturatu zara ez dagoela ebaltzeko moduan.

Neurria: 8ko txi.
Doinua: Orain hasi bihagu

E. Eizagirre:      Kanpina nola dagon
                      ez al da ezagun?
                      Gaurtik aurrera Eñaut
                      nik ez zaitut lagun;
                      kanpinakin zer kristo
                      ote zinen jardun...
                      barrikadan erdian
                      akanpau al zendun?

E. Agirre:          Lagunakin gustora
                      akanpau Ernion
                      ta hara gure lagunak
                      hasarre zer dion!
                      Lehenago erreparatu
                      biharko zenion
                      zeini ta zertarako
                      utzi behar zaion.

E. Eizagirre:      Lehendik ezagutzen det
                      Ernio mendia,
                      hara juateko sarri
                      daukat egarria;
                      han zer ibili zinan
                      dizut igarria:
                      barillekin egin zun
                      gurutze berria.

E. Agirre:         Ernio alde hortan
                      joera epela,
                      badakizu mutiko
                      formala naizela;
                      ta esan zenidanez
                      fiatzen zinela,
                      ibili det neria
                      balitza bezela.

E. Eizagirre:      Besteren kanpinakin
                      egiten du plana,
                      dana txikitutzeko
                      daukazu afana.
                      Zuria balitz bezela
                      didazu esana,
                      neri ekarri beste bat
                      zuria ez dana.

E. Agirre:          Aizu nere esanak
                      kontuan har itzazu,
                      nik behintzat zuriari
                      ez diot eingo kasu;
                      oso neska formala
                      ta ona zera zu,
                      hurrungo urterako
                      konpondu ezazu.