Bapatean 2000

SARRERA

I. BERTSO-SAIOEN MUGIMENDUA

II. ZENBAIT AZALPEN

III. TXAPELKETA ETA SARIKETAK

IV. BAT-BATEKO BERTSO HAUTATUAK

V. BAT-BATEKO SARIKETAK

62. Bortzirietako taldekako II. txapelketa
63. IX. BBK Sariketa
64. XI. San Prudentzio deuna saria
65. XXIX. Osinalde Saria
66. I. Mattin saria

66.1. A. Arzallus

66.2. Artetxe

66.3. Kolina
66.4. Kolina

67. XXIV. Lizardi Saria
68. XVI. Xenpelar sariketa

I. Mattin Saria


FINALA

AHETZE (2000-04-29)

Bertsolariak: X. Paia, A. Arzallus, Basterretxea,
Terreros, B. Lizaso, Artetxe, Zabaleta eta Kolina.

Gai-jartzailea: Aitor Errenteria "Txato".

Ahetzen jokatu zen lehenbiziko Mattin Sariaren finala, aurretik zenbait kanporaketa jokatuta.

A. Arzallus

Kartzelako gaia: Zaharragoek errepikatzen dizuegun leloa da "gazteok etorkizuna ate joka duzue", baina zuok gazteok nola ikusten duzue etorkizun hori?

Neurria: Berezia
Doinua: Gregario edo laguntzaile naiz

                      Etorkizunak ematen dizkit
                      ez dakit zenbat nahigabe,
                      horregaitikan ezin naiz egon
                      mutil amestien pare;
                      argi izpi bat begi aurrean
                      ikus dezaket halare;
                      beraz xuabe-xuabe,
                      indarrez baina herabe;
                      "geroa ate joka daukagu"
                      hitzak entzun ditut grabe,
                      gu joan behar gerade bila
                      beraren zai egon gabe. (bis)