Bapatean 2000

62. Bortzirietako taldekako II. txapelketa
63. IX. BBK Sariketa
64. XI. San Prudentzio deuna saria
65. XXIX. Osinalde Saria
66. I. Mattin saria
67. XXIV. Lizardi Saria
68. XVI. Xenpelar sariketa

68.1. Martin-Elustondo

68.2. Martin

68.3. Elustondo

XVI. Xenpelar sariketa

FINALA

ERRENTERIA (2000-12-08)

Bertsolariak: Elustondo, A. Arzallus, Kolina,
Martin, E. Goikoetxea eta Ansa.

Gai-jartzailea: Mikel Lersundi.

XVI. Xenpelar Bertsolari Gazteen Txapelketa. Goizeko hamaika eta erdietan, Niessen aretoan.

Martin - Elustondo

Gaia: Nor itsusiago izan lehiaketa batean zaudete. Azken finalera biak bakarrik iritsi zarete, eta zuen artean erabakiko da nor izango den irabazlea. Kanta itzazue zuen ezaugarri garrantzitsuenak.

Neurria: 8ko txi.
Doinua: Dama gazte xarmant bat

Martin:            Aho haundia daukat,
                      nago barregarri;
                      aza hostoak adina
                      diren bi belarri;
                      sudurra ere ez dut
                      oso zoragarri,
                      nere amonak ere
                      egiten dit irri! (bis)

Elustondo:        Nere tatxak zein diren
                      ikusten da berez,
                      bainan arerioa
                      hautsi leiket errez;
                      Jon, txorakeriarik
                      ez esan mesedez,
                      zakarra izan zaitezke
                      baina zatarra ez. (bis)

Martin:             Gorputzez ere ez naiz
                      moldatzen primeran,
                      defektuak badauzkat
                      gainera soberan;
                      itsusiena nor den
                      jarririk aukeran,
                      duda bat etortzen zait:
                      masokistak geran. (bis)

Elustondo:        Holakorik ez zazu
                      aizu, espero zuk;
                      zatartasuna nola
                      degun horren arrunt,
                      gorputzan inguruan,
                      zuk esanaren truk,
                      aste hontan bost kilo
                      irabazi ditut. (bis)

Martin:             Ederragoa naiz ni
                      eta diot zinez,
                      baina halare nago
                      inbidizko minez;
                      irabazten didazu
                      bertsotan eginez
                      ta hontan irabazi
                      nahi nizun gutxinez. (bis)

Elustondo:        Begi marroiak ditut
                      ez urdin, ez berde;
                      gerri buelta bikaina
                      daukat alafede!
                      Horregatik zuk etsi,
                      egizu mesede,
                      aukerarik ez dezu
                      saiatuta ere. (bis)