Bapatean 2000

SARRERA

I. BERTSO-SAIOEN MUGIMENDUA

II. ZENBAIT AZALPEN

III. TXAPELKETA ETA SARIKETAK

IV. BAT-BATEKO BERTSO HAUTATUAK

V. BAT-BATEKO SARIKETAK

62. Bortzirietako taldekako II. txapelketa
63. IX. BBK Sariketa
64. XI. San Prudentzio deuna saria

64.1. Soroa

64.2. Perea-As. Otamendi

65. XXIX. Osinalde Saria
66. I. Mattin saria
67. XXIV. Lizardi Saria
68. XVI. Xenpelar sariketa

XI. San Prudentzio deuna saria


FINALA

GASTEIZ (2000-04-15)

Bertsolariak: Iriondo, As. Otamendi, Soroa,
Perea, Glez. de Durana eta Z. Enbeita.

Gai-jartzailea: Talde bat.
Aurkezlea: Iñigo Izagirre.

Arabako Bertsozale Elkarteak antolatutako hamaikagarren Prudentzio Deuna sariaren finala. Florida aretoan, arratsaldeko zazpietan.

Soroa

Gaia: Banatuta dagoen guraso bat zara. Gaur zure haurrak aitaz galdetu dizu.

Neurria: 8ko nag.
Doinua: Egun lanerat abiatu naiz

                      Zuretzat nahi nun beste haur guztiek
                      daukaten etxe gozoa,
                      baina tamalez hartua nuen
                      erabaki ezerosoa;
                      ulertu zazu, modu hontara
                      bihurtuko da usoa
                      etxe honetan bizi ezkero
                      guretzat zena otsoa.

                      Nahiz eta zure aita ta ama
                      ez diren bizi batera,
                      nahiz ta biekin ez zeran bizi
                      zure lagunen antzera,
                      sinets zaidazu, gure artean
                      oso maitatua zera,
                      eta nahi dezun guztitan joan
                      zure aitatxo ikustera.