Bapatean 2000

11. Ordizia (2000-01-01)
12. Zarautz (2000-01-09)
13. Zegama (2000-01-22)
14. Donostia (2000-01-29)
15. Urruña (2000-02-06)
16. Gasteiz (2000-02-26)
17. Zestoa (2000-03-11)

18. Getxo (2000-03-18)
19. Pasaia (2000-03-24)
20. Bilbo (2000-03-31)
21. Usurbil (2000-04-01)

22. Usansolo (2000-04-08)
23. Ondarroa (2000-04-14)
24. Bergara (2000-04-15)
25. Goizueta (2000-04-16)

26. Oiartzun (2000-05-05)
27. Oiartzun (2000-05-07)
28. Legorreta (2000-05-27)
29. Itsasondo (2000-06-03)

30. Durango (2000-06-10)
31. Baigorri (2000-06-16)
32. Oiartzun (2000-06-17)
33. Lekeitio (2000-06-18)

34. Elgoibar (2000-07-01)
35. Getxo (2000-07-12)
36. Zubieta (2000-07-25)
37. Aduna (2000-08-12)

38. Zizurkil (2000-08-15)
39. Gernika-Lumo (2000-08-16) 40. Arantza (2000-08-18)
41. Bilbo (2000-08-22)
42. Arrasate (2000-08-24)
43. Bilbo (2000-08-27)
44. Bermeo (2000-09-13)
45. Oñati (2000-09-22)

46. Elgoibar (2000-09-30)
47. Tolosa (2000-10-07)
48. Mendaro (2000-10-13)
49. Urruña (2000-10-21)

50. Gasteiz (2000-10-21)
51. Donostia (2000-11-04)
52. Urepel (2000-11-05)
53. Ataun (2000-11-10)
54. Iruñea (2000-11-16)
55. Donostia (2000-11-19)
56. Eibar (2000-11-24)
57. Getxo (2000-12-16)
58. Bilbo (2000-12-17)
59. Elgoibar (2000-12-22)

59.1. Irazu-A. Agirre-Maia

59.2. Maia-A. Agirre

60. Larrabetzu (2000-12-25)

61. Galdakao (2000-12-28)

V. BAT-BATEKO SARIKETAK

Elgoibar (2000-12-22)

Bertsolariak: Irazu, Maia, Iturriaga eta
A. Agirre.

Gai-jartzailea: Josu Goikoetxea.

Gabonetako saioa, Izarra Kultur Elkarteak antolatua. Herriko antzokian, gaueko hamaikak laurden gutxitan, ehunen bat entzule.

Irazu - A. Agirre - Maia

Gaia: Irazu elgoibartarra, gaueko ordu txikietan lo egin ezinik zaude, eta pentsatu duzu zure eskopeta kolekzioa garbitzea. Jaitsi zara salara eta hor ikusi duzu zure alaba Amaia, tipo horrekin, Jonekin, zirriak egiten.

Neurria: Lauko handia
Doinua: Kontu barri bat suzeditu da

Irazu:              "Salan hobeto egongo nintzan..."
                      hobe banengo ohean,
                      azkenean ni utzi bainaue
                      eskopeta paperean!

A. Agirre:         Aita goitikan behera jaitsi da,
                      zer nolako zalaparta!
                      Lasaitu, Jon, zure eskopetak
                      kartutxo gehio dauzka-ta.

Maia:               Orain ez dakit zer kristo egin,
                      burua jarri zait bero,
                      prakak beheraino jetsiko zaizkit
                      eskuak jaso ezkero!

Irazu:              Askatasuna gauza ederra
                      ta gora sexu librea!
                      Ze armeritan topatu dezu
                      horrelako kalibrea?

A. Agirre:         Gure aita eskopeta kontutan
                      hain degu gizon petrala,
                      aitortu zazu hortara ez baino
                      inbidiz jaitsi zerala.

Maia:               Lasaitu zaitez orain mesedez,
                      egizu azkar mesede;
                      ni prest nengoen hau egiteko
                      apuntatu gabe ere!

Irazu:              Zuk diskotekak eta tabernak
                      zenitun zure kontura,
                      aizu, alaba, zergatik zatoz
                      nire koto pribatura?

A. Agirre:         Barkatu baina nerea bada
                      ez nator zure kotora;
                      zurea tiro bakarrekoa
                      berea repetidora.

Maia:               Holako gauzak gertatzen dira
                      euskal herrietan zehar,
                      behingoan ehizan egingo eta
                      ehizatuta bukau behar!

Irazu:              Aizu, alaba, ez zazu hitz egin
                      lotsagabeek bezela,
                      nola dakizu nire eskopetak
                      tiro bakarra duela?

A. Agirre:         Behin amak halaxe esan zidan
                      urte askotan barrena,
                      zer ehizatuko jetsi baitzaigu
                      pajarorik haundiena.

Maia:               Hauei begira geratua naiz
                      despistatuta zeharo;
                      zuek jarraitu diskusioan,
                      nerea jetsita dago.

Irazu:              Azken puntua ez bedi izan
                      eragozpena ta traba,
                      baionetakin liatu zaigu
                      rekortadaren alaba.

A. Agirre:         Aita zuregan izan ez dezu
                      behar hainbat kategori,
                      reklamora etorri zera ta
                      gure sarean erori!

Maia:               Azkenerako ideia hauxe
                      unean pentsatu det nik:
                      herri honetan ezin ligatu
                      bakezalea izanik!