Bapatean 2000

11. Ordizia (2000-01-01)
12. Zarautz (2000-01-09)
13. Zegama (2000-01-22)
14. Donostia (2000-01-29)
15. Urruña (2000-02-06)
16. Gasteiz (2000-02-26)
17. Zestoa (2000-03-11)

18. Getxo (2000-03-18)
19. Pasaia (2000-03-24)
20. Bilbo (2000-03-31)
21. Usurbil (2000-04-01)

22. Usansolo (2000-04-08)
23. Ondarroa (2000-04-14)
24. Bergara (2000-04-15)
25. Goizueta (2000-04-16)

26. Oiartzun (2000-05-05)
27. Oiartzun (2000-05-07)
28. Legorreta (2000-05-27)
29. Itsasondo (2000-06-03)

30. Durango (2000-06-10)
31. Baigorri (2000-06-16)
32. Oiartzun (2000-06-17)
33. Lekeitio (2000-06-18)

34. Elgoibar (2000-07-01)
35. Getxo (2000-07-12)
36. Zubieta (2000-07-25)
37. Aduna (2000-08-12)

38. Zizurkil (2000-08-15)
39. Gernika-Lumo (2000-08-16)
40. Arantza (2000-08-18)
41. Bilbo (2000-08-22)

42. Arrasate (2000-08-24)
43. Bilbo (2000-08-27)
44. Bermeo (2000-09-13)
45. Oñati (2000-09-22)

46. Elgoibar (2000-09-30)
47. Tolosa (2000-10-07)
48. Mendaro (2000-10-13)
49. Urruña (2000-10-21)

50. Gasteiz (2000-10-21)
51. Donostia (2000-11-04)
52. Urepel (2000-11-05)
53. Ataun (2000-11-10)

54. Iruñea (2000-11-16)
55. Donostia (2000-11-19)
56. Eibar (2000-11-24)

57. Getxo (2000-12-16)
58. Bilbo (2000-12-17)
59. Elgoibar (2000-12-22)
60. Larrabetzu (2000-12-25)

61. Galdakao (2000-12-28)

V. BAT-BATEKO SARIKETAK

Gasteiz (2000-02-26)

Bertsolariak: J. Sarasua, Iturriaga, Perea,
Amuriza, Irazu eta Sorozabal.

Gai-jartzailea: Jon Maia.

Geu Gasteiz elkarteak urtero antolatzen duen jaialdia. Principal antzokian, iluntzeko zortzietan.

Irazu - Amuriza

Gaia: Zuek, orain artean, Internet bidez garatu dituzue zuen arteko harremanak. Azken bi urteotan, elkar ezagutzetik elkar maitatzera heldu zarete. Gaur duzue lehenengo aldiz elkar ikusteko zita eta orain arte, hala nahi zenutelako, ez duzue ezer jakin zuen adinari eta sexuari buruz. Lehen ezkontzekoak zineten; orain ez dakit.

Neurria: Seiko txikia
Doinua: Bertsoak jarri dizkat

Irazu:              Zibermaitasunean
                      horrenbeste promes!
                      Elkarrenganatuta
                      ikusia berez,
                      larrosa ez zera baino
                      arantza ere ez. (bis)

Amuriza:          Arantza ez naizela,
                      a ze erreminta!
                      Aurkitu zaitut tekla
                      baten ibilita;
                      arantza ez zera baina
                      larrosa polita. (bis)

Irazu:              Itxaropena dago
                      bai zure hitzetan,
                      eta itxaropena
                      gure bihotzetan;
                      xagua izan nahi det
                      zure bixarretan. (bis)

Amuriza:          Zatoz bizar hontara
                      xagu mutikoa;
                      izan leike polita
                      gu bion jokoa,
                      muturra ez baduzu
                      zibernetikoa. (bis)

Irazu:              Ziber kontu hoietan
                      txikitatik maixu,
                      horregatik zugana
                      hurbildua nauzu;
                      PC edo Makintox
                      ze kristo zera zu? (bis)

Amuriza:          Nire herrian badago
                      holako hainbat denda,
                      onubilazio bat
                      teklatik irten da;
                      zein da zure sexua,
                      ez zaizu igartzen-da? (bis)

Irazu:              Galdera latza dezu
                      kolpe baterako,
                      baina zeurearekin
                      ez zera aterako;
                      ez jakinda berdin da
                      zuk dezunerako! (bis)

Amuriza:          Irternetean dago
                      teknika suabea,
                      hau izango da agian
                      biharko bidea,
                      jolasa egin daigun
                      sexurik gabea. (bis)

Irazu:              Baina itxaropena
                      baneukan barruan,
                      zugana hurbilduta
                      ni deskalabruan,
                      probatu genezake
                      pantaila barruan. (bis)

Amuriza:          Pantaila horretara
                      berriro banoa;
                      nahiz ta bihotza izan
                      oraindik sanoa,
                      ez dut interpretatzen
                      zure ikonoa. (bis)

Irazu:              Irterpretatzea're
                      ez zaizu komeni,
                      orduan ez daukazu
                      horrenbeste premi;
                      australianoarekin
                      ezkonduko naiz ni. (bis)

Amuriza:          Australian badago
                      eguzki epela;
                      uste nuen ni honek
                      maite ninduela;
                      orain ulertzen dut zu
                      birusa zarela. (bis)

Irazu:              Baina ez nintzan zure
                      barrurako jaio;
                      alper-alperrik zertan
                      horrenbeste saio?
                      Torizazu muxu bat,
                      intro eta aio! (bis)

Amuriza:          Hemen amaitzen dugu
                      gaurko erresaka,
                      erdian jarriko du
                      norbaitek ezpata,
                      ta nik jarraituko dut
                      intro eta saka. (bis)