Bapatean 2000

11. Ordizia (2000-01-01)
12. Zarautz (2000-01-09)
13. Zegama (2000-01-22)
14. Donostia (2000-01-29)
15. Urruña (2000-02-06)
16. Gasteiz (2000-02-26)
17. Zestoa (2000-03-11)

18. Getxo (2000-03-18)
19. Pasaia (2000-03-24)
20. Bilbo (2000-03-31)
21. Usurbil (2000-04-01)

22. Usansolo (2000-04-08)
23. Ondarroa (2000-04-14)
24. Bergara (2000-04-15)
25. Goizueta (2000-04-16)

26. Oiartzun (2000-05-05)
27. Oiartzun (2000-05-07)
28. Legorreta (2000-05-27)
29. Itsasondo (2000-06-03)

30. Durango (2000-06-10)
31. Baigorri (2000-06-16)
32. Oiartzun (2000-06-17)
33. Lekeitio (2000-06-18)

34. Elgoibar (2000-07-01)
35. Getxo (2000-07-12)
36. Zubieta (2000-07-25)
37. Aduna (2000-08-12)

38. Zizurkil (2000-08-15)
39. Gernika-Lumo (2000-08-16)
40. Arantza (2000-08-18)
41. Bilbo (2000-08-22)

42. Arrasate (2000-08-24)
43. Bilbo (2000-08-27)
44. Bermeo (2000-09-13)
45. Oñati (2000-09-22)

46. Elgoibar (2000-09-30)
47. Tolosa (2000-10-07)
48. Mendaro (2000-10-13)
49. Urruña (2000-10-21)

50. Gasteiz (2000-10-21)
51. Donostia (2000-11-04)
52. Urepel (2000-11-05)
53. Ataun (2000-11-10)

54. Iruñea (2000-11-16)
55. Donostia (2000-11-19)
56. Eibar (2000-11-24)

57. Getxo (2000-12-16)
58. Bilbo (2000-12-17)
59. Elgoibar (2000-12-22)
60. Larrabetzu (2000-12-25)

61. Galdakao (2000-12-28)

V. BAT-BATEKO SARIKETAK

Bilbo (2000-03-31)

Bertsolariak: I. Elortza eta Iturriaga.

Urretxindorra ikastolak eratutako bertso afaria. Ikastolako jangelan hirurogeita hamarren bat afaltiar elkartu ziren, ikasle, irakasle eta guraso. Giro bikaina eta bertso-saio ona. Gehiena librean egin zuten eta azken aldera afaltiarrek eman zizkieten gaiak bertsoen bidez.

Iturriaga - I. Elortza

Lekuari eta dekoratuari buruz jardun zuten hasieran bi bertsolariek. Gero ikasleak zirikatu zituzten eta ondoren doinua aldatu eta Kuban izan berri zen guraso taldeari heldu zitzaion txanda.

Neurria: 8ko nag.
Doinua: Basatxoritxu moko luzea

Iturriaga:         Hasitakoan gazte jentea
                      ekarri dugu bertara,
                      baina ezin da hasi ezkero
                      guraso taldea laga.
                      Bi milagarren urte honetan
                      zerbait aldatu da, hara:
                      seme-alabak etxean utzi
                      ta gurasoak Kubara.

I. Elortza:         Hemen guraso batzuek nola
                      dabiltzan jakin dugu lehen,
                      aurtengo urtean Kuba aldera
                      bidai bat eginak omen.
                      Nola jentea oso saltsero
                      ta kantaria den hemen,
                      egin bezate erakuspen bat
                      saltsa nola dantzatzen den.

Iturriaga:         Ez dute euki bape lotsarik
                      Kariberaino joateko,
                      seme-alabak barriz etxean
                      ez dira egon hain txarto;
                      eurek bakarrik ta zaintza barik
                      ibili dira ederto;
                      aitak ta amek edo semeek
                      nok pasa ote du hobeto?

I. Elortza:        Orain Unaiek esan duena
                      izan da oso sakona,
                      askok ez zuten nahi gurasoak
                      itzuli zitezen ona;
                      nik apustu bat egin behar dut,
                      eta noski ez da broma:
                      gurasoek han baino gehiago
                      edan dutela hemen rona.

Iturriaga:         Ta gurasoak hor joan dira
                      bidaia oso tipikoan,
                      Karibe aldean aurkitu dira,
                      ez dira egon Tropikoan;
                      Che Guevararen kamisetekin
                      saltsa klubetan jitoan,
                      baina ez dituzte antza onartu
                      Fidelen ejertzitoan.

I. Elortza:         Ejertzitoan sartu nahi eta
                      ezina ez da epela,
                      baina entzun dut duela aste
                      bete-edo egon zirela;
                      begiratuta ikusten diet
                      kolore zuri-zimela,
                      ia seguru esan liteke
                      gauez ibili direla.

Iturriaga:         Baina ez da txarra hango haizea
                      edota hango giroa,
                      seme-alabek berriz etxean
                      a ze nolako lioa!
                      Hauek Fidelen bila joan dira
                      ta oker irten tiroa;
                      gurasoek gerra egiten zuten,
                      semeek amodioa.

I. Elortza:         "Gurasoek gerra eta semeek
                      amodioa" esan du ozen,
                      baina ez dakit Iturriaga
                      ote zabiltzan hain zuzen;
                      guraso hoiek begiratuta
                      errez da imajinatzen,
                      marakak esku artean, kanta
                      tradizionalak kantatzen.

Iturriaga:         Baten Santiago gero Habana,
                      ez da hain txarra aukera;
                      gero kalean manifaren bat
                      "Elian etxera, etxera!"(3) .
                      Itzuli dira ondo pasata,
                      aprobetxatuta aukera;
                      hurrengo baten joan beharko dira
                      seme-alabekin batera.

I. Elortza:         Berriro ere kantatu behar
                      gurasoei atakean;
                      "seme-alabak hartuta denak
                      joan" kantatu bat-batean,
                      baina uste dot hobe daudela
                      konponduta euren artean,
                      bake apur bat beharko dute
                      urtean astebetean!

Iturriaga:         Ze oroitzapen ene Kubako
                      rona ta giro epela!
                      Batzuk Karibe aldean zeuden
                      marmota batzuk bezela;
                      seme-alabak berriz klasean,
                      lozorroan zen tropela...
                      irakasleek jasan dituzte
                      baina izorra daitezela!

I. Elortza:         Irakasleek sufritu behar
                      seme-alaben trantzea,
                      guraso batzuk albora utzi
                      zutelako euren etxea;
                      seguru bati ta gehiagori
                      pasa zaio pentsatzea:
                      seme-alabak abandonatu
                      eta hantxe geratzea.

Gurasoek Kubara egindako bidaia alde batera utzi eta irakasleak zirikatzeari ekin zioten hurrena bertsolariek.