Bapatean 2000

Gaia: Lehenbiziko zatiari amaiera emateko gauza xelebre bat, baina ia egunero telebistan azaltzen dana, eta hori be euskalduna dugu - beno ez dakit euskaraz dakien, baina euskalduna dela bai -, Txumari Alfaro, nafar naturista. Hau naturista dok, medikue, eta hik, beste askok bezala, kaspa arazue daukek, kaspie jausten jak hiri be; eta enterau haz horrek daukela formularen bat: egunero heure txixe edatea; hori dok itxura danez formularik onena.

Neurria: Berezia
Doinua: Iparragirre abila dela

                      Ni kaspa neukan neure buruan,
                      bardin hemengo ta hango,
                      Jainkumendian dantza ondoren
                      ez dakit zenbat pandango;
                      burutik behera kaspa,
                      eskuakin arraspa,
                      juan banitzan juango!
                      Txix eratia ona izango da
                      baina nik ez det erango. (bis)

                      Bere ustetan medizinetan
                      horrek dauka errazoia,
                      medizina ona errez zainduta
                      egindutzen du sermoia.
                      Zu zera naturista,
                      trumoia ta tximista,
                      eta esatera noia:
                      jaboi txinbuaz garbitu zazu
                      zuk zeure melokotoia. (bis)