Bapatean 2000

11. Ordizia (2000-01-01)
12. Zarautz (2000-01-09)
13. Zegama (2000-01-22)
14. Donostia (2000-01-29)
15. Urruña (2000-02-06)
16. Gasteiz (2000-02-26)
17. Zestoa (2000-03-11)

18. Getxo (2000-03-18)
19. Pasaia (2000-03-24)
20. Bilbo (2000-03-31)
21. Usurbil (2000-04-01)

22. Usansolo (2000-04-08)
23. Ondarroa (2000-04-14)
24. Bergara (2000-04-15)
25. Goizueta (2000-04-16)

26. Oiartzun (2000-05-05)
27. Oiartzun (2000-05-07)
28. Legorreta (2000-05-27)
29. Itsasondo (2000-06-03)

30. Durango (2000-06-10)
31. Baigorri (2000-06-16)
32. Oiartzun (2000-06-17)
33. Lekeitio (2000-06-18)

34. Elgoibar (2000-07-01)
35. Getxo (2000-07-12)
36. Zubieta (2000-07-25)
37. Aduna (2000-08-12)

38. Zizurkil (2000-08-15)
39. Gernika-Lumo (2000-08-16)
40. Arantza (2000-08-18)
41. Bilbo (2000-08-22)

42. Arrasate (2000-08-24)
43. Bilbo (2000-08-27)
44. Bermeo (2000-09-13)
45. Oñati (2000-09-22)

46. Elgoibar (2000-09-30)
47. Tolosa (2000-10-07)
48. Mendaro (2000-10-13)
49. Urruña (2000-10-21)

50. Gasteiz (2000-10-21)
51. Donostia (2000-11-04)
52. Urepel (2000-11-05)
53. Ataun (2000-11-10)

54. Iruñea (2000-11-16)
55. Donostia (2000-11-19)
56. Eibar (2000-11-24)

57. Getxo (2000-12-16)
58. Bilbo (2000-12-17)
59. Elgoibar (2000-12-22)
60. Larrabetzu (2000-12-25)

61. Galdakao (2000-12-28)

V. BAT-BATEKO SARIKETAK

Oiartzun (2000-05-05)

Bertsolariak: J. Sarasua eta Egaña.

Gai-jartzailea: Karlos Aizpurua.

"Bertsoak, olerkia eta zerbait gehiago" goiburuarekin Oiartzungo Bertso Eskolak Bertso Astea 2000ren barruan eratutako emanaldi berezia. Arratsaldeko zazpietan, Pagoa garagardotegian, ehun eta hogei bat entzule. Hainbat poetaren hamabi olerki errezitatu zituen Karlos Aizpuruak, Aitor Sarriegik bibolinarekin lagunduta; eta olerki horiek izan zituzten kantagai bertsolariek.

J. Sarasua - Egaña

Gaia: Linguae Vasconum Primitiae Nik zita bat nuen Bernart Etxeparekin / baina laurehunda piko urtez berandutu naiz. / Harrigarriena da, Bernart Etxeparek itxaron egin nauela. / Euskal poesiaz galdetu didanean esan diot / : "euskaldunek ez dute poesiarik leitzen; ETB ikusten omen dute / eta bidaia turistikoak egiten omen dituzte tropikoetara". / "ETB? ETB?" / Eta ETB zer ote den asmatzen eta neskamek ekarritako sagardoa edanez Axularren zain geratu ginen.

Neurria: 8ko nag.
Doinua: Donostiako hiru damatxo

J. Sarasua:       Poesia nahi du poetak eta
                      barne odolak irakin;
                      gaur eguneko Euskal Herriak
                      zenbat ez duen huts egin!
                      ETBk zenbat kalte egin duen
                      norbaitek ba al daki jakin?
                      Euskal poesia izorratu da
                      Hitzetik Hortzerarekin.

Egaña:             Nere ustetan bide gogorra
                      aukeratu dezu aizu;
                      egia da bai ETB beti
                      bertso emanez jo ta su!
                      Baina halare oso arrazoi
                      kaxkarra eman diguzu;
                      ai, Sarasua, ipurterrea
                      Patziku ematen dezu!

J. Sarasua:       Patziku ezik nik izen asko
                      dudala esango nuke,
                      kaxkarkeria nagusitu da
                      gauza landuaren truke;
                      horrenbesteko txorakeriak
                      programan mila entzute
                      ta poesia duten apurra
                      zentsuratu egiten dute!

Egaña:             Iruditzen zait ez zabiltzala
                      soraio ta erdi lotan,
                      lehenen bertsoan abitu arren
                      den-dena apurtzekotan;
                      lehenengo duda egin dut baina
                      arrazoia zendun hortan,
                      txorakeri ta txorikeriak
                      parera datoz askotan.

J. Sarasua:       Bapatekoa jainkoturikan
                      burmuinak daude ahulduta;
                      euskal munduan ez ote goaz
                      iparrorratza galduta?
                      Bertsoa eta literatura
                      dauzkagu apartatuta,
                      biak dituen inor ez dugu
                      Andoni Egaña kenduta.

Egaña:             Dalako Andoni ez dut ezagun,
                      bidal dezagun zokora
                      eta bersotan ganoraz irten
                      txoritxoaren mokora;
                      gauza bakarra dago zalantzan:
                      ia zer dugun ganora,
                      baina nik behintzat ez nuke joan nahi
                      garen txo hortatik gora.

J. Sarasua:       Koldo Izagirrek ez zeukan hortan
                      bide okerra hartua,
                      nolanahi ere bertsolaritza
                      dago bidean sartua;
                      profeta batek urez bete du
                      bertsoen basamortua,
                      gora txapeldun titanikoa
                      Txirrita Axulartua!

Egaña:            Hara noraino iritsi zaion
                      bere drogaren dosia!
                      Lau hitz gordinez azaldu digu
                      ikasi duen poxia;
                      gora Leizko kooperatibak
                      ta elkartasun hazia!
                      Gora Txikito ta Sarasua
                      txapelketen oasia!