Bapatean 2000

11. Ordizia (2000-01-01)
12. Zarautz (2000-01-09)
13. Zegama (2000-01-22)
14. Donostia (2000-01-29)
15. Urruña (2000-02-06)
16. Gasteiz (2000-02-26)
17. Zestoa (2000-03-11)

18. Getxo (2000-03-18)
19. Pasaia (2000-03-24)
20. Bilbo (2000-03-31)
21. Usurbil (2000-04-01)

22. Usansolo (2000-04-08)
23. Ondarroa (2000-04-14)
24. Bergara (2000-04-15)
25. Goizueta (2000-04-16)

26. Oiartzun (2000-05-05)
27. Oiartzun (2000-05-07)
28. Legorreta (2000-05-27)
29. Itsasondo (2000-06-03)

30. Durango (2000-06-10)
31. Baigorri (2000-06-16)
32. Oiartzun (2000-06-17)
33. Lekeitio (2000-06-18)

34. Elgoibar (2000-07-01)
35. Getxo (2000-07-12)
36. Zubieta (2000-07-25)
37. Aduna (2000-08-12)

38. Zizurkil (2000-08-15)
39. Gernika-Lumo (2000-08-16)
40. Arantza (2000-08-18)
41. Bilbo (2000-08-22)

42. Arrasate (2000-08-24)
43. Bilbo (2000-08-27)
44. Bermeo (2000-09-13)
45. Oñati (2000-09-22)

46. Elgoibar (2000-09-30)
47. Tolosa (2000-10-07)
48. Mendaro (2000-10-13)
49. Urruña (2000-10-21)

50. Gasteiz (2000-10-21)
51. Donostia (2000-11-04)
52. Urepel (2000-11-05)
53. Ataun (2000-11-10)

54. Iruñea (2000-11-16)
55. Donostia (2000-11-19)
56. Eibar (2000-11-24)

57. Getxo (2000-12-16)
58. Bilbo (2000-12-17)
59. Elgoibar (2000-12-22)
60. Larrabetzu (2000-12-25)

61. Galdakao (2000-12-28)

V. BAT-BATEKO SARIKETAK

Elgoibar (2000-07-01)

Bertsolariak: Mendiluze, Gorrotxategi,
Legarreta eta J. Agirre.

Gai-jartzailea: Auzotar bat.

Sanpedroak zirela-eta antolatutako bertso afaria. San Pedro auzoan izan zen, hirurogei bat afaltiar bertan zirela.

Mendiluze - Legarreta

Gaia: Hauek andra-gizon berriak dira, Xabier emaztea eta Aitor gizona. Ezkondu berriak dira, baina lehengo ohitura zaharrekoak, sekula ezer egin gabekoak ezkondu arte. Gaur gabea pasa dute elkarrekin, eta goizean gabeko gorabeherak elkarri kontatzen hasi dira.

Neurria: 8ko txi.
Doinua: Orain hasi bihagu

Mendiluze:        Gaua igaro degu
                      guk biok primeran,
                      bai ahalegindu ere
                      tokatzen dan eran!
                      Nik ahal dedana egin det
                      gaur nuen aukeran,
                      baina ez dakit ordea
                      ondo egin al dedan.

Legarreta:        Gaur arte izan arren
                      bikote apala,
                      gaur abitu berri da
                      gure eginahala;
                      ohe gainian zabiltz
                      dinbili-danbala,
                      nabaritzen zitzaizun
                      berria zinala.

Mendiluze:        Normala da jardunda
                      praktika hartzea,
                      bainan hasi orduko
                      hau malaletxea!
                      Zerbait egin nahi nuen
                      ta nere trantzea...
                      bai zaila dala gero
                      korseta kentzea!

Legarreta:        Ezer egin gabian
                      luze eta jator,
                      bainan lasaitu zaitez
                      hemen nago Aitor;
                      gorde-gordean banun
                      beste gizon bat hor
                      ta lehendikan harekin
                      entrenauta nator.

Mendiluze:        Beraz ez zera egon
                      orain arte lotan
                      eta ni hasia naiz
                      ikasi asmotan;
                      pasa naiz inoiz pasa
                      ez nintzan txokotan
                      eta hoinbestez nahiko
                      konformatu hortan.

Legarreta:        Biak aurkitzen gera
                      gu sasoi gazteko,
                      biak nahikuak gera
                      bazterrak nahasteko
                      eta ez gera jeiki
                      arpegi tristeko...
                      latzak pasa zenitun
                      kondoia jazteko!

Mendiluze:        Abilidade falta
                      zaigu nabarmendu:
                      lehenengo ezin jantzi,
                      gero ezin kendu;
                      hurbildu nahi genduen
                      ta seitun aldendu...
                      hobe ezkondu aurretik
                      ikasi bagendu!

Legarreta:        Biak gu zein baino zein,
                      ez al da normala?
                      Ohera sartu ginan
                      atzo berehala;
                      poz bat bakarra daukat:
                      gaua pasa ahala
                      Viagrarikan gabe
                      moldatu ginala.

Mendiluze:        Probatu degu zutik,
                      probatu etzanda,
                      ezer ez lortuta're
                      zerbaiten demanda;
                      zer egin degun ez dakit
                      egia esanda,
                      baina azken muxua
                      polita izan da.

Legarreta:        Ohearen gainean
                      moldatuak trebe,
                      ez da esperientzia
                      moldatuko hobe;
                      nekatuta gabiltza
                      dotore-dotore;
                      gaur deskantso egigun,
                      bihar berriz ere.