Bapatean 2000

Zegama (2000-01-22)

Bertsolariak: Egaña, S. Lizaso, Murua, J. Agirre,
Irazu eta Peñagarikano.

Gai-jartzailea: Laxaro Azkune.

Kasino Elkarteak udalaren laguntzarekin urtero eratzen duen jaialdia. Gauean izan zen, pilotalekuan.

Murua - J. Agirre

Gaia: Senar-emazte jarriko ditugu; Joxe Agirre Joxe Agirre izango da eta Murua emaztea. Merkealdia aprobetxatuz Donostiara joan dira erosketak egitera. Arratsaldea pasatu dute eta gus tukorik andreak ez dio ikusi probatu dituen arropa guztietan. Ez dakit nola etorri izango zareten etxera. Konta ezazue arratsaldeko ibilera.

Neurria: 8ko txi.
Doinua: Mando baten gainian

J. Agirre:         Egun goguangarria
                     izan da gaurkoa,
                     kapretxosoa baidet
                     aldamenekoa;
                     erropa ezin bilatu
                     nunbait gustokoa,
                     eskerrak etxian neukan
                     repuestokoa!

Murua:            Gizona edertzea
                     zan nere amesa;
                     rebajak bizitzeko
                     gaur hartu det presa.
                     Txaketa bat probatu
                     ta hura're aldrebesa...
                     zu edertzen behinipehin
                     ez dago erreza!

J. Agirre:         Nahiz eta saiatu arren
                     ahalegin guztia,
                     zail izango da aitona
                     eder ikustia.
                     Baina xelebria da
                     nere emaztia:
                     neretzat rebajakua
                     betzat garestia!

Murua:           Orain ere zitala
                     honen arrazoia!
                     Bera jazteko gaur zan
                     andrean sasoia.
                     Txaketai ezin lotu
                     bigarren botoia,
                     betetxo daukazu ta
                     aurreko kajoia!

J. Agirre:         Andrea det petrala
                     kategorikua,
                     ta hitz egiten beti da
                     jakindurikua.
                     Txaketa izan balitz
                     gizonan neurrikua
                     aisa tapatuko zuen
                     nere gerrikua!

Murua:            Hau oin ere ari da
                     betiko antzera,
                     dena gelditzen zaio
                     aurrekoz atzera.
                     Mingaina isildu ta
                     eman nei kartera,
                     ta ipurterre hori
                     joan zaitez etxera!

J. Agirre:        Erantzutea ez da
                     zuretzat graziko
                     esaleak entzule
                     beau lehendabiziko.
                     Kartera eske ez zinen
                     benetan hasiko,
                     ematen badizut ez dut
                     berriz ikusiko.

Murua:            Lehenago hartu nuen
                     ustetan jatorra,
                     orain hitzetik behintzat
                     badabilki sobra.
                     Kartera eskatu ta
                     erantzuna horra…
                     kartera're daukazu
                     zeu bezain lehorra!