Bapatean 2000

Gaia: Udal liburutegiko arduradunek kanpaina bat hasi dute:
herritarrak liburutegira hurbildu ordez, liburutegikoak joaten dira herritarren etxeetara. Honela irakurzaletasuna bultzatu nahi dute. Maialen Lizasoren etxera hurbildu da.

Neurria: 8ko nag.
Doinua: Txoriak eta txoriburuak

Lujanbio:          Atea jo ta Xebastian irten
                      hau da sorpresa, hau marka!
                      Zuk interesa izango dezu
                      ez zan besterikan falta!
                      Zuk irakurtzen baldin bakizu
                      hona liburu aparta
                      ta irakurtzen ez badakizu
                      dibujo dexente dauka. (bis)

S. Lizaso:         Gure etxean liburu gutxi...
                      beraz zuk ere igarri;
                      liburuekin gure etxean
                      bixitak ez dira sarri;
                      nahiz eta Platon eta Socrates
                      nire aukerako jarri,
                      nire gustoko libururikan
                      batere ez dezu ekarri. (bis)

Lujanbio:          Pazientzi pixkat izan Sebastian,
                      egin zaidazu mesede;
                      derrepentean ez zaitez sutu
                      era hortan alafede;
                      Andoni Egañan liburua're
                      ekarri dut erdi gorde,
                      komeni zaizu irakurtzia
                      kontra egiteko ere. (bis)

S. Lizaso:         Barkatu neska baina horretan
                      zu oker antxean zaude,
                      liburu hori hobe zenduen
                      beste batentzako gorde;
                      irakurtzeak ez dit egingo
                      zuk uste hainbat mesede,
                      zer jarriko dun dakidalako
                      irakurtzen jardun gabe. (bis)

Lujanbio:          Hori liburu txikia da bai
                      ta ez noa ematera,
                      zure eskuak ikusi ditut,
                      liburuxka hori kalte da;
                      entziklopedia edo atlasa
                      hobeko nuke atera,
                      liburu ttikin pasako ditu
                      hiru-lau orri batera. (bis)

S. Lizaso:         Atlasan falta ote daukadan
                      antzeman ote aurpegian?
                      Atlasik gabe nik ondo dakit
                      herri guztiak non dian.
                      Pedro Maria Otañorikan
                      ikusi ez aspaldian,
                      horrelakorik ez al da izaten
                      udal liburutegian? (bis)

Lujanbio:          Otañorenik bate ez dago,
                      eskeintza eskasa gurea,
                      bertsolarien mundua beti
                      izan dalako pobrea.
                      Hain lotsagabe zaude Xebastian
                      ta badezu umorea,
                      bestena letu nahi ez badezu
                      idatzi zazu zurea! (bis)

S. Lizaso:         Proposamena onartzen badet
                      litzake nire kalteko,
                      hasi ta ere behar bezela
                      nola ez nukeen beteko;
                      buru argia nola ez dudan
                      bide hortatik joateko,
                      lehenbizi zerbait izan behar du
                      historia egiteko. (bis)