Bapatean 2000

11. Ordizia (2000-01-01)
12. Zarautz (2000-01-09)
13. Zegama (2000-01-22)
14. Donostia (2000-01-29)
15. Urruña (2000-02-06)
16. Gasteiz (2000-02-26)
17. Zestoa (2000-03-11)

18. Getxo (2000-03-18)
19. Pasaia (2000-03-24)
20. Bilbo (2000-03-31)
21. Usurbil (2000-04-01)

22. Usansolo (2000-04-08)
23. Ondarroa (2000-04-14)
24. Bergara (2000-04-15)
25. Goizueta (2000-04-16)

26. Oiartzun (2000-05-05)
27. Oiartzun (2000-05-07)
28. Legorreta (2000-05-27)
29. Itsasondo (2000-06-03)

30. Durango (2000-06-10)
31. Baigorri (2000-06-16)
32. Oiartzun (2000-06-17)
33. Lekeitio (2000-06-18)

34. Elgoibar (2000-07-01)
35. Getxo (2000-07-12)
36. Zubieta (2000-07-25)
37. Aduna (2000-08-12)

38. Zizurkil (2000-08-15)
39. Gernika-Lumo (2000-08-16) 40. Arantza (2000-08-18)
41. Bilbo (2000-08-22)
42. Arrasate (2000-08-24)
43. Bilbo (2000-08-27)
44. Bermeo (2000-09-13)
45. Oñati (2000-09-22)

46. Elgoibar (2000-09-30)
47. Tolosa (2000-10-07)
48. Mendaro (2000-10-13)
49. Urruña (2000-10-21)

50. Gasteiz (2000-10-21)
51. Donostia (2000-11-04)
52. Urepel (2000-11-05)
53. Ataun (2000-11-10)
54. Iruñea (2000-11-16)
55. Donostia (2000-11-19)
56. Eibar (2000-11-24)
57. Getxo (2000-12-16)
58. Bilbo (2000-12-17)
59. Elgoibar (2000-12-22)
60. Larrabetzu (2000-12-25)

61. Galdakao (2000-12-28)

V. BAT-BATEKO SARIKETAK

Getxo (2000-12-16)

Bertsolariak: O. Enbeita, S. Lizaso,
Peñagarikano, I. Elortza, Irazu, Egaña, Maia
eta Iturriaga.

Gai-jartzailea: Josu Goikoetxea.

Argortako Bertsolari Eskolak aurten hogei urte bete dituela-eta antolatutako ekitaldietan azkena -hogeigarrena-. Larunbat arratsaldean izan zen, Getxo antzokia leporaino beterik zela. Mikel Urdangarinek bi kantu kantatu zituen eta saioaren erdialdean oroigarriak banatu zitzaizkien Euskal Herri osoko hainbat bertso eskolari.

Egaña - Iturriaga

Gaia: Unai, hogeita sei urte dituzu. Hogeita hamar urteren hatsa kokotean antzematen duzu. Zuk, Andoni, hogeita hemeretzi urte, ia kokoteko bat hartu duzu. Biok, atzo, mozkor latza harrapatu zenuten. Zer moduzko harremana da zuen adinekoen artean. Mozkortuta serio hitz egiten hasten gara, beraz, hasi sexuaz eta maitasunaz hitz egiten.

Neurria: 8ko nag.
Doinua: Haizea dator ifarraldetik

Egaña:             Urtez bastante aurrera noa
                      ta ukatzea alperrik,
                      zenbait gauzatan intentziotan
                      ez diat galdu indarrik.
                      Lehen hiru trago egin ta gero
                      nekusan nexka ederrik
                      ta orain berriz ez det izaten
                      tragorik egin beharrik.

Iturriaga:         Nik hogeita sei urte bakarrik
                      ta ja badakit latinez,
                      orain artean mantendu arren
                      hainbeste itxura finez.
                      Sexua beti konpondu leike
                      zanbonbari eraginez,
                      baina gizona ondino ere
                      hil ein leike maiteminez.

Egaña:             Zanbonbarena hor daukagu bai
                      eta zer erremedio,
                      baina musika sortu liteke
                      beste lagun bat medio;
                      egia esan neure burua
                      ez dut maite, ez naiz fio...
                      zanbonbarikan ez zazu aipatu
                      ta Gabonetan gutxio!

Iturriaga:         Hori bizitza teoria bat zan,
                      ez dozu ondo ulertu,
                      nire gorputzai zelan deutsodan
                      adinagaz gaina hartu.
                      Galderatxo bat ein gura dautsut,
                      zuk erantzuna aurreratu:
                      zenbat alditan maitemindu ta
                      zuk zenbat bihotz apurtu?

Egaña:             Gazte garaian zoroa eta
                      txoroa nintzen ni klaro;
                      egun txar batez ezkondu nintzan
                      ta abenturak akabo;
                      zu oso kristau txepela zera
                      eta jabetuta nago:
                      zeure burua maitatzen dezu
                      hurkoa baino gehiago.

Iturriaga:         Narziso hutsa antza ni nintzen
                      zure ustez sortu mundura;
                      buru-hausteak etorri jataz
                      niri gerora ingurura;
                      ez dogu ezer konpondu eta
                      aidean ixten dot duda...
                      adinagatik ta errespetuz
                      zerbezak zeure kontura.

Egaña:             Kamarera hau ederra zagok,
                      hara hango señorita...
                      iruditzen zait oraintxe bertan
                      nagoela erorita;
                      zertan aztertu gerorakoen
                      edo ta geronen pinta?
                      Zerbezatxo bat edan dezagun
                      teoriari utzita.

Iturriaga:         Hainbeste gairi, hainbeste ordutan,
                      hainbeste zerbezaz ekin
                      ta azkenean amaitzen dogu
                      beti lez sexuarekin;
                      ikusten zaitut sasoi onean,
                      ez zagoz triste ta erkin;
                      zure moduan egon nahi neuke
                      zure edadearekin.