Bapatean 2002

Bapatean 2003

Zenbait azalpen

1.- Orain arteko Bapatean liburuek 600 bertso inguru jaso dituzte, 1995koea ezik, hau 300 bertsokoa izan baitzen. 2003ko honek 628 bertso dakartza.

2.- Bapatean 2003 osatzeko irizpideak, aurreko liburuetan ibilitako berberak izan dira.

3.- Liburu hau antologia bat dela esan daiteke hein batean, baina ez bere osotasunean. Liburuaren korpus nagusiak, herritarrek antolatutako bertso-saioetan bat-batean kantatutako bertsoak jasotzen ditu, bertsolariak eta hauen saio kopuruak kontutan harturik. Beraz, liburu honek, plazaz plaza dabiltzan bertsolarien ekarpena islatzen du.

4.- Jakin badakigu egiten diren mota guztietako bertso-saioen informazioa biltzea ia ezinezkoa dela, baina ziur gaude ehuneko handi batean jasota dagoela. Besterik da grabatzen dena: 2003an 230 saio grabatu dira entzuteko euskarrian, 345 bat ordu.

5.- 2003. urtean bat-batean kantatutako bertsoak ditu kontuan liburu honek, baina Arabako Txapelketa, Nafarroako Txapelketa, Gipuzkoako Txapelketa eta Eskolartekoan kantatuak ez. Bertso-paperen alorrekorik ere ez da jasotzen, baina bai Gazte Sariketetakoak.

6.- Liburu hau osatzeko oinarria, Xenpelar Dokumentazio Zentroan jasotako informazioa, entzutezko grabazioak eta hauei dagozkien fitxak izan dira.

7.- Lan hau burutzeko, modu batera edo bestera esku hartu dute:

- Oihana Aranburu, Nere Erkiaga eta Arantza Mariskal XDZko kideak.
- Amaia Agirre, Martin Aramendi, Laxaro Azkune, Eneko Bidegain, Xabier Begiristain, Xabier Enbeita, Felix Irazustabarrena, Oihane Perea, grabaketa eta bilketa lanetan.
- Transkribaketa lanetan Martin Aramendi eta Amaia Agirre.
- Azken orrazketa lanetan Arakaitz Goikoetxea eta Juanjo Respaldiza.

8.-Guzti hau burutu ahal izateko, oso garrantzizkoa izan da jasotako diru-laguntza: Jaurlaritzako Kultura Saileko Hizkuntza Politikarako Sailordetzarena, Gipuzkoako Foru Aldundiko Kultura eta Euskara Departamentuko Zuzendaritza Nagusiarena eta Bizkaiko Foru Aldundiko Euskara Sustapenerako Zuzendaritzarena.

Bertsozale Elkartea