Bapatean 2003

SARRERA

I. BERTSO-SAIOEN MUGIMENDUA

II. ZENBAIT AZALPEN

III. TXAPELKETA ETA SARIKETAK

IV. BAT-BATEKO BERTSO HAUTATUAK

V. BAT-BATEKO SARIKETAK

62. IX. Orixe saria

62.1. Mantxi-An. Otamendi

62.2. An. Otamendi

62.3. E. Eizagirre

63. II. Abra saria

64. XI. BBK Sariketa
65. XXXII. Osinalde saria
66. Oiartzungo binakako bertsolari txapelketa
67. XXVII. Lizardi saria

IX. Orixe saria

Finala

DONOSTIA (2003-03-16)

Bertsolariak: A. Zerain, Iñigo Manzisidor
"Mantxi", An. Otamendi, As. Otamendi,
I. Zelaia eta E. Eizagirre.

Aurkezlea: Xabier Gaztelumendi.
Gai-emailea: Unai Elizasu.

Añorgako Kirol eta Kultur Elkarteak bi urtez behin antolatzen duen sariketa. Goizeko hamaiketan, Antton Aiestaran aretoan. Finalaren aurretik, hiru bertso afari egin ziren seina bertsolarirekin, finalera nor pasatu erabakitzeko.

Mantxi-An. Otamendi

Gaia: Zu, Andoni, aktorea zara. Zure telesailean bikote eder batez maitemindurik zaude, baina zure bikotekide egizkoa,
Mantxi, jeloskor dago, telesaileko bikotekideari esan eta egiten dizkiozun gauzengatik.

Neurria: zortziko txikia
Doinua: Kantatzera nijoa

Mantxi:            Nahiz motiborik izan
                      zu maite izateko
                      gauzatxo bat badaukat
                      orain esateko:
                      aspaldian zabiltza
                      kabrito konpleto
                      hura tratatzen dezu
                      ni baino hobeto. (bis)

An. Otamendi:   Aktore gisa badet
                      horrenbeste dohai
                      luza ez egitea
                      hori ez nuke nahi.
                      Aktoresa hori da
                      egiatan etsai
                      zu gehio maite zaitut
                      egon zaite lasai! (bis)

Mantxi:             Bainan ez du ematen
                      horra hor gakuak!
                      Tarteka afai bat nahi det
                      ta gero jokuak
                      tarteka lore batzuk
                      usai onekuak
                      ez azkenak bezela
                      kanposantukuak! (bis)

An. Otamendi:   Horrenbeste komeri
                      gaur badauzkazu zuk
                      baina harreman ona
                      ez al daukagu guk?
                      Kanposantuko batzuk
                      ekarri dizkizut
                      hil ta gero're berdin
                      maiteko baitzaitut. (bis)

Mantxi:            Erantzuna ona zan
                      ez meriturik ken
                      inprobisatzen dula
                      errexa jakiten
                      baina erabakia
                      hartu astakirten
                      ni nazkatua nago
                      antzerkia egiten! (bis)

An. Otamendi:   Begiak diz-diz dauzkat
                      nik zu ikustian
                      konforme behar zenduke
                      aizu hainbestian!
                      Aktoreakin nahiz ta
                      ni era eztian
                      muturka ibiltzen gera
                      maindire azpian (bis)