|
F.Paia
Hasierako
agurra
Neurria:
Bederatzi puntukoa
Doinua: Nere gorputza dardarka daukat
Agur
ta ohore Baxenafarra:
zure histori luzean
zapalkuntza ta mina egon da,
mendeen noraezean.
Leizarragaren hitza entzun dut
zuhaitzetako haizean,
begia jarriz zure zelaien
kolore berde hezean.
Bizkaitik nator, Getxo aldetik,
bertso kantuz arratsean;
hemen Lodosan antzean,
hainbeste eskualdun batzean,
barre egiten dut ezarritako
muga hori oroitzean,
etxetik hainbat kilometrora
sentitzen bainaiz etxean.
|