A. Arzallus

Gai baten inguruan hasierako puntuak emanda

Neurria: 8ko txikia
Doinua: Xarmangarria zera I

M. Taberna
Txapelketarik gabe
ezin gera egon,

A. Arzallus
bestela ez baitugu
hainbeste zorion;
ez al duzu ikusten
ni zer estu nagon?
Bakoitzak ahal duena,
besteak hor konpon!

M. Taberna
Lau urteren ondotik
berriz ere hemen,

A. Arzallus
hortan pentsatzen jarri
beharko lehenbailehen,
baina gaurkoa egin
beharko bederen;
bestela ez baitakit
zertarako gauden!

M. Taberna
Inor etorri al da
zu animatzera?

A. Arzallus
Dexente heldu dira
betiko antzera;
begiratu ezazu
zineman atzera,
esku hutsik ez gera
joango etxera.

A. Goikoetxea

Gai baten inguruan hasierako puntuak emanda

Neurria: 8ko txikia
Doinua: Xarmangarria zera I

M. Taberna
Himalaiatik dator
albiste tristea;

A. Goikoetxea
tamalgarria zaigu
hori ikustea,
gora abitu eta
bizitza uztea.
Zergatik hiltzen zaigu
hain jende gaztea?

M. Taberna
Elurrak estali du
gazteen ametsa,

A. Goikoetxea
arriskutsua baita
Himalaia ertza.
Askotan gertatzen da,
nahiz ta guk ez pentsa,
elur zuri-zuria
bihurtzea beltza.