Mendiluze

Hasierako agurra

Neurria: Zazpi puntukoa
Doinua: Ai hori begi ederra

Bakoitzak kantatu ahala
aurrera doa finala
eta gure eginahala.
Nahiz ta zortzirok present daukagun
goizeko lanen itzala,
eskatu ohi den bezala,
ibilian gabiltzala
buruak eman dezala.

Lujanbio

Hasierako agurra

Neurria: 10eko txikia
Doinua: Sagutxo batzuekin

Nik ez nuen nahi zortzi,
nik ez nuen nahi bat,
baina papel ttikiak
zeuden gu bezainbat.
Goizean laua nintzen
ta pozik erabat;
orain Sustraik esan dit
"segi, segi harat";
txapela gero eta
hurbilago daukat (26).